काठमाडौं- प्रमुख प्रतिपक्ष नेपाली कांग्रेसले आकाशतिर हेरेर सपना देखाउनेभन्दा यथार्थको धरातलमा आधारित बजेट निर्माण गर्न सुझाव दिएको छ।
प्रतिनिधिसभा बैठकमा बोल्दै कांग्रेसका सांसद मिनेन्द्र रिजालले सबै कुरा पूरा गर्ने नाममा आकाशतिर हेरेर नभई भुइँ हेरेर बजेट बनाउन सुझाव दिए।
‘उखान र टुक्का सुनाउनलाई प्रथामिकता दिएर हुँदैन’ रिजालले कटाक्ष गर्दै भने, ‘मानिसहरुको खल्तीबाट रकम निकालेर लगानीयोग्य बनाउन सुझाव दिन्छौं।’
सांसद रिजालले बजेटमा भन्दैमा रकम नजुट्ने भएकाले त्यसतर्फ समेत विचार गर्न अर्थमन्त्रीलाई सुझाव दिए।
आयात प्रतिस्थापन गर्ने कस्ता-कस्ता उद्योग खोल्ने हो भन्ने कुरामा पनि प्रस्ट हुन जरुरी रहेको सांसद रिजालले औंल्याए। पूर्वाधारमा खर्च हुनुपर्ने बजेट अन्यत्र खर्च भयो भने त्यसले सिर्जना गर्ने महँगी र पछाडि पर्ने अवस्थाको पनि अहिल्यै कल्पना गर्न समेत उनले सुझाव दिए।
नयाँ आर्थिक वर्षको बजेट १५ खर्बभन्दा कम नहुने भन्दै सांसद रिजालले स्रोत व्यवस्थापन चुनौतीपूर्ण रहेको बताए। ९ खर्बभन्दा बढी राजश्व नउठ्ने, १ खर्ब विदेशी अनुदान आउने र बाँकी ५ खर्बको कुनै पनि स्रोत नहुने उनले औंल्याए।
'२ अर्ब वैदेशिक ऋण र ३ खर्ब आन्तरिक रुपमा उठाउनुपर्ने भएकाले त्यसलाई ख्याल गर्नुपर्छ', उनले भने।
साना आयोजनालाई केन्द्रबाट बजेट नछुट्याउने भनी गरिएको घोषणा उचित भएकाले यसमा कांग्रेसको समर्थन रहेको उनले बताए। मुद्रास्फीति नियन्त्रणको स्थितिमा आएकाले अब विकासतर्फ अगाडि बढ्नुपर्ने उनले बताए।
विगतभन्दा गरिबी घट्दै गएकाले बजेट निर्माण गर्दा यसलाई ख्याल गर्नुपर्ने रिजालको भनाइ थियो। नागरिकप्रति जिम्मेवारी पूरा गर्ने कि सपना मात्र देखाउने भन्ने प्रश्न गर्दै उनले सपना देखाउन सजिलो भए पनि त्यसलाई कार्यान्वयन गर्न प्रस्ट हुनुपर्नेमा जोड दिए।
‘सपना देख्ने कुरामा हामी सबै साथमा छौं। सपना देखेर र देखाएरै यहाँसम्म आएका हौं', रिजालले भने, 'तर, अब त्यो सपना पूरा गर्ने समय आएको छ, ख्याल गर्नुहोला।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
![Nepal Live Samachar नेपाल लाइभ समाचार, भदौ १९ [भिडियाे]](https://nepallive.net/uploads/posts/500X300/samachar++-1725458095.jpg)
![प्रधानमन्त्रीसँग प्रश्नोत्तर [प्रत्यक्ष प्रशारण]](https://nepallive.net/uploads/posts/500X300/PMM-(1)-1718866650.jpg)
![भारत भ्रमणबारे प्रतिनिधि सभा बैठकमा जवाफ दिँदै प्रधानमन्त्री प्रचण्ड [प्रत्यक्ष प्रशारण]](https://nepallive.net/uploads/posts/500X300/prachanda-sansad-1710309847.jpg)
![Nepal Live Samachar नेपाल लाइभ समाचार, जेठ ३० [भिडियाे]](https://nepallive.net/uploads/posts/500X300/samachar++-copy.jpg-30-1718203418.jpg)
