नीति तथा कार्यक्रम र मोदीको नेपाल भ्रमणबारे प्रधानमन्त्री ओलीले गरे पूर्वप्रधानमन्त्रीहरुसँग छलफल

राजनीति

नेपाल लाइभ मंगलबार, वैशाख २५, २०७५ १०:३५

काठमाडौं– प्रधानमन्त्री केपी शर्मा ओलीले सरकारको नीति तथा कार्यक्रम र भारतीय प्रधानमन्त्री नरेन्द्र मोदीको आसन्न नेपाल भ्रमणबारे पूर्व प्रधानमन्त्रीहरुसँग छलफल गरेका छन्।

प्रधानमन्त्री निवास बालुवाटारमा मंगलबार आयोजित छलफलमा अव्यस्थित बसोबासलाई कसरी व्यवस्थित गर्ने भन्नेबारेमा छलफल भएको छ। प्रधानमन्त्री ओलीले अव्यवस्थित बसोबास विकासको बाधक भएकाले त्यसलाई व्यवस्थित गर्न बस्तीहरु स्थानान्तरण गर्नुपर्ने प्रस्ताव गरेका थिए।

पूर्व प्रधानमन्त्रीहरुले बस्ती स्थानान्तरणको योजना बनाउँदै गर्दा भूउपयोग सम्बन्धी नीति पनि बनाउनुपर्ने सुझाव दिएका थिए।

बैठकमा पूर्वप्रधानमन्त्री माधवकुमार नेपाल, पुष्पकमल दाहाल, शेरबहादुर देउवा, बाबुराम भट्टराई, लोकेन्द्रबहादुर चन्द र मन्त्रिपरिषदका पूर्व अध्यक्ष खिलाराज रेग्मीको सहभागिता थियो।

पूर्व प्रधानमन्त्री बाबुराम भट्टराईले प्रधानमन्त्री ओलीलाई निर्वाचित जनप्रतिनिधिलाई बजेट निर्माण प्रक्रियामा सक्रिय सहभागी बनाउनुपर्ने तर तजबिजी रकम दिनुनहुने सुझाव दिएको जनाएका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

रास्वपाले स्वीकृत गर्‍यो सुमनाको राजीनामा

महरा प्रकरणमा जोडिएकी रोशनी शाही मृत फेला

छलफलमा जुटे सत्तारुढ दलका शीर्ष नेता