सबै किसिमका सिन्डिकेट अन्त्य हुन्छ : प्रधानमन्त्री ओली

राजनीति

नेपाल लाइभ आइतबार, वैशाख २३, २०७५ १२:५६

काठमाडौं– प्रधानमन्त्री केपी शर्मा ओलीले सबै खालका सिन्डिकेट अन्त्य हुने बताएका छन्।

नयाँ बानेश्वरस्थित संसद् भवनमा आज बसेको नेकपा एमाले संसदीय दलको बैठकमा सम्बोधन गर्दै प्रधानमन्त्री ओलीले अहिले यातायात क्षेत्रको सिन्डिकेट अन्त्यको प्रयास सुरुवात मात्रै भएको बताए।

प्रधानमन्त्री ओलीले देश र पार्टीको हित विपरीत नजान सांसदहरुलाई निर्देशन दिएका छन्। उनले जनताको सर्वोच्च निकाय स्थानमा रहेका जनप्रतिनिधिले उत्तेजनामा नआई संयमित भएर पार्टीको हितमा काम गर्न निर्देशन दिए।

'जनताको सर्वोच्चता जनाउने स्थानमा रहेका जनप्रतिनिधिले आवेश, उत्तेजनामा नचाहिँदो काम गर्न र बोल्न हुँदैन, पार्टी र राष्ट्रको हितमा काम गर्नुपर्छ', उनले भने।

प्रधानमन्त्री ओलीले सरकार मुलुकमा परिवर्तन ल्याउन आएको स्पष्ट पार्दै सो अभियानमा सबै एक ढिक्का भएर सामेल हुन निर्देशन समेत दिए। एमाले संसदीय दलका नेता ओलीले सरकारले छिमेकी तथा अन्तर्राष्ट्रिय सम्बन्धलाई सुमधुर बनाउँदै लैजाने र सबै राष्ट्रसँग समुचित ढंगले सम्बन्ध अगाडि बढाइने पनि उल्लेख गरे। (रासस)

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

ब्रह्माण्ड किन बन्यो भन्ने प्रश्नको उत्तर खोज्न वैज्ञानिक प्रतिस्पर्धा

नागरिकमाथि गोली प्रहार गर्नु माओवादी हिंसाको चरम कायरता थियो : सिटौला

भिजिट भिसा प्रकरण : आरोप साँचो सावित भए मन्त्री पदमात्र होइन, राजनीति नै छोड्छुः गृहमन्त्री लेखक