लुम्बिनीमा अन्तर्राष्ट्रियस्तरको सभाहल बन्ने, राष्ट्रपति भण्डारीद्वारा शिलान्यास

नेपाल लाइभ

नेपाल लाइभ सोमबार, वैशाख १७, २०७५ १०:०२

लुम्बिनी- राष्ट्रिपति विद्यादेवि भण्डारीले लुम्बिनीमा निर्माण हुने एसियाकै अत्याधुनिक सभाहलको शिलान्यास गरेकी छन्। आगामी दुई वर्षभित्र निर्माण सम्पन्न गर्ने अपेक्षा लिइएको सभाहलको २५६२औँ बुद्ध जयन्तीको अवसर पारेर राष्ट्रपति भण्डारीले आज शिलान्यास गरेकी हुन्।

प्रधानमन्त्री केपी ओलीसमेतको उपस्थितिमा सभाहलको शिलन्यास भएको हो। यो गृह एसियाकै नमुना हुने लुम्बिनी विकास कोषले दाबी गरेको छ।

कुल ५ हजार मानिस अटाउन सक्ने क्षमताको सभाहलको शिलान्यास प्रधानमन्त्री ओलीले गर्ने भनिए पनि अन्ततः राष्ट्रपति भण्डारीले गरेकी छन्। लुम्बिनीमा हुने बौद्ध जयन्ती समारोह तथा अन्य थुप्रै आध्यात्मिक तथा धार्मिक कार्यक्रम आयोजना गर्नका लागि भवन अभावका कारण कोषले निकै समस्या बेहोर्नुपरेको छ। यही अभाव पूर्ति गर्न देशकै ठूलो र अत्याधुनिक ध्यान केन्द्रसहितको सभाहलको निर्माण गर्न थालिएको हो।

करिब ३२ करोडको लागतमा सभाहल बन्ने लुम्बिनी विकास कोषका उपाध्यक्ष अवधेशकुमार त्रिपाठीले जानकारी दिए। सभाहलको निर्माण भएपछि लुम्बिनीमा थुप्रै अन्तर्राष्ट्रिय स्तरका सभा सम्मेलन तथा गोष्ठी आयोजना हुने तथा यहाँको पर्यटन प्रवर्द्धनमा समेत महत्वपूर्ण टेवा पुग्ने उनल बताए।

सभाहल निर्माणको जिम्मा अनक अर्घाखाँची बाबुल जेभीले पाएको छ। सभाहल निर्माणका लागि परामर्शदाता छनोट, डिजाइन, लागत अनुमान र ठेक्का लगाएतका सबै प्रक्रिया पूरा भएर शिलान्यास भएका कारण निर्माण कम्पनीले आजदेखि काम थालेको कोषले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

सगरमाथा आरोहण गरेका प्रहरीको पदोन्नति

पानीको सतह बढेपछि ‘बेलिब्रिज’ झिकियो

सुनको मूल्य पुनः एक लाख ९० हजार नाघ्यो, चाँदीको कति ?