पाकिस्तानमा हुने भनिएको सार्क सम्मेलन भारतले फेरि बहिष्कार गर्न सक्ने

समाचार

नेपाल लाइभ मंगलबार, वैशाख ११, २०७५ १५:५९

नयाँ दिल्ली- अघिल्लो वर्षजस्तै यो वर्ष पनि भारतले दक्षिण एसियाली क्षेत्रिय सहयोग संगठन (सार्क) को शिखर बैठक बहिस्कार गर्ने सम्भावना रहेको भारतीय समाचार संस्था एएनआईले स्रोतलाई उदृत गर्दै दाबी गरेको छ।

दुई वर्ष अघिदेखि आतंकवादको मुद्दा उठाइरहेको भारतले पाकिस्तानको राजधानी इस्लामावादमा हुने भनिएको २०औं सार्क सम्मेलनमा सहभागी नहुने सम्भावना प्रबल रहेको एएनआईले स्रोतलाई उदृत गर्दै लेखेको हो। वार्ता र आतंकवाद एकसाथ जान नसक्ने स्रोतले बताएको एएनआइको समाचारमा उल्लेख छ।

पाकिस्तानले दक्षिण एसियाका केहि साना राष्ट्रको समर्थन र सहयोगमा इस्लामावादमा यो वर्ष सार्क सम्मेलन गर्ने तयारी गरिरहेको छ। श्रीलंका र नेपालले पाकिस्तानलाई समर्थन गरेको समाचारमा उल्लेख छ।

सन् २०१६ मा भारतको पठानकोट र युरीमा भएको आतंकवादी हमला पछि पाकिस्तानमा हुने भनिएको सार्क सम्मेलन भारतले बहिस्कार गरेको थियो। जसलाई सार्कका अन्य राष्ट्रले पनि समर्थन गरेका थिए। सार्क सम्मेलन हरेक १२ देखि १८ महिनाको अन्तरमा दक्षिण एसियाली राष्ट्रले पालैपालो आयोजना गर्ने गरेका छन्।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

पहिरोले कालीगण्डकी कोरिडोर अवरुद्ध

अवरुद्ध कान्ति लोकपथ पूर्ण रूपमा सञ्चालनमा

रास्वपाले बोलायो सचिवालय र केन्द्रीय समितिको बैठक