इटहरी– सुन्दरहरैँचा नगरपालिकामा एकै दिन तीन आत्महत्याका घटना भएका छन्। ३ वटै आत्महत्या वैसाख १० गते भएका हुन्। आत्महत्या गर्नेहरुमा एक महिला र दुई पुरुष छन्।
सुन्दरहरैचा वडा ३ घराबनीकी ३५ वर्षीया लक्ष्मी ढकाल, वडा १० का १८ वर्षीय विशाल भण्डारी र वडा ९ का अन्दाजी ३० वर्षीया किशोर विकले आत्महत्या गरेका हुन्।
आत्महत्याको प्रकृति हेर्दा पारिवारिक कारण हुनसक्ने इलाका प्रहरी कार्यलय बेलबारीका प्रमुख प्रहरी नायव उपरीक्षक रामजी कटुवालले बताए। किशोर विकले सुरुमा मादक पदार्थ सेवन गरेको र पारिवारिक कलहपछि आत्महत्या गरेको हुनसक्ने कटुवालले बताए। उनले भने, ‘विशाल भण्डारी प्रेममा परेको तर प्रेम असफल हुने भएपछि आत्महत्या भएको हुनसक्ने र लक्ष्मी ढकालबारे भने केही भन्न सकिने अवस्था छैन।’
प्रायःजसो आत्महत्यामा पैसा, परिवार र प्रेम जोडिएर आउने गरेको प्रहरी नायव उपरीक्षक कटुवालले जनाए। २०७५ साल लागेपछि मात्र सुन्दरहरैचामा ६ वटा आत्महत्याका घटना भएको प्रहरीले जनाएकोछ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769166231.png)
-1769158577.png)
-1769161919.png)
-1764146706.png)
