साना- यमनमा साउदी अरब नेतृत्वको हवाई सेनाले वैवाहिक समारोहमा आक्रमण गर्दा कम्तीमा ४० जनाको हताहती भएको छ। यमनको उत्तरपश्चिमी हज्जाह प्रान्तमा आइतबार राति आक्रमण भएको स्थानीय अधिकारीहरुले जानकारी दिएका छन्।
'अहिले घटनामा परी मृत्यु हुने र घाइते हुनेहरुको यकिन विवरण आइसकेको छैन्, प्रारम्भिक विवरणअनुसार कम्तीमा ४० जना हताहत भएका छन्,' एक जना उच्च स्वास्थ्य अधिकारी मोहम्मद अल अस्वालले भने।
तीमध्ये केहीको मृत्यु र केही घाइते भएको हुनसक्ने अनुमान गरिएको छ। एक जना सुरक्षा अधिकारीका अनुसार लडाकु विमानबाट वैवाहिक समारोहमा दुई वटा बम खसालिएको थियो। घटना बानी कास जिल्लाको अल्राका गाउँमा भएको हो।
बम विस्फोटनमा परी वैवाहिक समारोहनजिकै रहेका घर, सवारी साधनलगायत नष्ट भएको प्रत्यक्षदर्शीले बताएका छन्। यमनमा गत तीन वर्षदेखि हुथी विद्रोही समूह र साउदी अरब नेतृत्वको गठबन्धन सेनाकाबीचमा भिडन्त हुँदै आएको छ।
गठबन्धन सेनाले गत शुक्रबार पनि दक्षिणपश्चिमी ताइज प्रान्तमा हवाई आक्रमण गरेको थियो। घटनामा परी कम्तीमा १७ जना मारिएका थिए। चर्चित स्थानीय बजारबाट घर फर्किँदै गरेका यात्रु चढेको सार्वजनिक दुईवटा सवारी साधनमा आक्रमण हुँदा उनीहरको मृत्यु भएको अधिकारीले जनाएका छन्।
यमनमा अहिले चलिरहेको द्वन्द्वका कारण अहिलेसम्म झण्डै १० हजार यमनी नागरिक मारिएका छन्। मानवीय संकटको दृष्टिकोणले अहिले यमन विश्वकै द्वन्द्वग्रस्त क्षेत्रमा देशहरुको सूचीमा रहेको छ।रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1748772552.png)
-1748772756.png)
-1748593223.png)
![सय दिने प्रगति विवरण सार्वजनिक गर्दै प्रधानमन्त्री केपी ओली [प्रत्यक्ष प्रसारण]](https://nepallive.net/uploads/posts/500X300/kllllllllll-1729675876.jpg)
