काठमाडौं– अन्तर्राष्ट्रिय यातायात मजदुर संगठनले प्रधानमन्त्री केपी शर्मा ओलीलाई पत्र लेख्दै यातायात मजदुरले उठाएका मागप्रति ध्यान दिन आग्रह गरेको छ। नेपाल यातायात मजदुर संघ र नेपाल यातायात स्वतन्त्र मजदुर संगठनले उठाएका स्वास्थ्य सुरक्षा तथा स्वरोजगारका मागलाई सम्बाेधन गर्न ध्यानाकर्षण गरिएको हो।
प्रधानमन्त्री ओलीलाई इमेल गर्दै संगठनका महासचिव स्टेफेन कटनले मजदुरको अवस्थाप्रति चासो देखाएका हुन्। यातायात संचालन हुदाँ श्रमिकको स्वास्थ्य अवस्थाप्रति चासो देखाइएको हो।
पत्रमा कोभिड १९ को सन्दर्भमा श्रमिकहरुका लागि अन्तर्राष्ट्रिय श्रम संगठनले बनाएको मार्ग निर्देशन अनुसारको स्वास्थ्य सुरक्षा ख्याल गर्न सुझाइएको छ। यस्तै यातायात मजदुरको स्वास्थ्य बिमा गर्न ध्यानाकर्षण गराइएको छ। स्वरोजगार श्रमिकहरुका लागि कम व्याजदरमा ऋण उपलब्ध गराउन पनि आग्रह गरिएको छ।
महासचिव कटनले सार्वजनिक यातायात संचालनका लागि फेडेरेशनले तयार पारेको 'चार्टर अफ पेपर' समेत संलग्न गरी पठाएका छन्। यातायात सञ्चालन र स्वास्थ्य सुरक्षाका लागि तीन यातायात मजदुर संगठनको कार्यदलले प्रधानमन्त्री ओलीसहित राजनीतिक दलकाे नेतृत्वलाई जानकारी गराएको छ।
मजदुरको बिमा तथा आइएलओ मापदण्ड बमोजिमको स्वास्थ्य सामग्रीको उपलब्धता, सहुलियत व्याजको कर्जालगायतका ध्यानाकर्षणमा एक्यबद्धता जनाएकाे उक्त संगठनमा नेपालबाट प्रतिनिधित्व गर्ने अजयकुमार राईले जानकारी दिए। फेडेरेशनको १५० देशमा सडक यातायात, हवाई जहाज, रेल, पानी जहाज, पर्यटनलगायतका ७०० मजदुर युनियनहरु आबद्ध छन्। विश्वभरका दुई करोड यातायात मजदुर सदस्य संगठनमा आबद्ध छन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1748936216.png)
-1748593223.png)
-1748872907.png)
