काठमाडौं-गैह्रआवासीय नेपाली संघ (एनआरएनए) कतारले त्यहाँ अलपत्र ५५ नेपालीको निः शुल्क उद्धार गर्ने भएको छ। स्वदेश फर्कनै पर्ने तर हवाई टिकट आफैँ बेहोर्न नसक्ने अवस्थाका ५५ नेपालीहरुको निः शुल्क उद्धार गरिने एनआरएनए कतारले जनाएको हो।
स्वास्थ्यमा गम्भीर समस्या भई लामो समयदेखि कतारका विभिन्न अस्पतालमा उपचाररत तथा रकम जुटाउन नसकेर अलपत्र अवस्थामा रहेकाहरुको उद्धार गरिने उल्लेख गरिएको छ ।
हाल आफ्नै खर्चमा स्वदेश फर्कन नसक्ने हजारौँ युवा विदेशमा अलपत्र छन्।
श्रम स्वीकृति लिएर गई अलपत्र अवस्थामा रहेका श्रमिकहरुलाई वैदेशिक रोजगार कल्याणकारी कोषको रकम प्रयोग गरी स्वदेश फर्काउनुपर्ने कानुनी प्रावधान छ। तर सरकार यस्ता श्रमिकको उद्धारमा उदासीन देखिएको छ। कोषको रकम प्रयोग गरी अलपत्र श्रमिकहरुको उद्धार गर्न कार्यविधि बनाएर श्रम मन्त्रालयले मन्त्रिपरिषदमा पेश गरेको छ। तर पटक-पटकको मन्त्रिपरिषद्ले सो कार्यविधि पारित गर्न अलमल गरिरहँदा अप्ठ्यारोमा परेकाहरु स्वदेश फर्कन सकेका छैनन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1751267101.jpg)
-1751273553.jpg)
-1749826086.png)
