एजेन्सी–भारतीय अभिनेत्री दिव्या चौकसेको निधन भएको छ। केही समयदेखि क्यान्सरको समस्याबाट पीडित उनको आइतबार निधन भएको हो।
सन् २०१६ मा उनले ‘है अपना दिल तो आवारा’ फिल्मबाट बलिउडमा डेब्यु गरेकी थिइन्। यसका साथै उनी एमटिभीको ‘एभटिभी मेकिङ’ र ‘एमटिभी ट्रु लाइफ’ मा देखिएकी थिइन् भने थुप्रै टिभी सिरियलमा पनि काम गरेकी थिइन्। मिस इण्डिया युकेमा सेकेण्ड रनर अप भएकी उनी २०१२ को ‘आइ एम सी मिस युनिभर्स’ प्रतिस्पर्धामा पनि भाग लिएकी थिइन्।
उनी गायन तथा गीत लेखनमा पनि सक्रिय थिइन्।
उनले मृत्यु हुनु केहीअघि इन्स्टाग्राममा आफू संसार छाडेर जान लागेको उल्लेख गर्दै सबैलाई धन्यवाद दिएकी थिइन्। उनले लेखेकी थिइन्-जे भन्न चाहिरहेकी छु, त्यसका लागि मसँग शब्द छैन। तर मलाई आएका अनगिन्ती मेसेजले यो भन्ने समय आएको छ कि म यतिखेर मृत्यशैय्यामा छु। नराम्रा कुराहरु भइरहन्छन्। म निकै मजबुत छु। अर्को जन्म विनापीडाको भइदेओस्। कृपया प्रश्न नसोध्नुहोला । भगवानले मात्र जान्दछन्, तपाईंहरुलाई म कति माया गर्छु भनेर।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
