एजेन्सी– टर्कीका राष्ट्रपति रसेप तेइप एर्दोगानले जुलाइ २४ का लागि संसदीय र राष्ट्रपतीय चुनावका लागि मिति घोषणा गरेका छन्।
बुधबार राष्ट्रपति भवनबाट गरेको सम्बोधनका क्रममा उनले देशले तत्काल कार्यकारी अधिकार सहितको राष्ट्रपतीय शासन मागेको दाबी गरेका छन्। तर, राष्ट्रपतिले चुनावको मिति घोषणा गरेपछि निर्वाचन आयोगले यसलाई सदर गर्नुपर्ने भए पनि तयारी भने सुरु भइसक्ने बताएका छन्।
टर्कीमा सन् २०१९ को नोभेम्बरमा चुनाव गर्नुपर्ने भए पनि एर्दोगानले त्यसलाई १ वर्ष अघि सारेका हुन्।
बढ्दो राष्ट्रवादी भावना
टर्कीले सिरियामा केही समयअघि गरेको आक्रमणले त्यहाँ राष्ट्रवादी भावना बढेको छ। उक्त कारबाहीले सिरियाली कुर्दिस फौजलाई टर्कीको उत्तरी क्षेत्रबाट धपाएको थियो।
बुधबारको सम्बोधनका क्रममा राष्ट्रपति एर्दोगानले टर्कीमा नयाँ नियम तत्काल लागू गर्नुपर्ने भएको र यसले टर्की सामु रहेको चुनौतीलाई घटाउन र सिरिया र इराकमा कुर्दिस लडाकु विरुद्ध लड्नका लागि सघाउने दाबी गरेका छन्।
‘चाहे त्यो सीमा पारि सिरियामा गरिने कारबाही होस् वा इराक र सिरियामा हुने ऐतिहासिक कारबाही, यसले टर्कीलाई ती चुनौती तत्काल समाधान गर्न सक्नुपर्ने बनाउनुपर्छ,’ उनले भने।
अंकाराले टर्कीमा विद्रोह गरिरहेका र सत्ताच्युत भएका कुर्दिस शासनको पक्षमा लडिरहेको कुर्दिस लडाकुलाई आतंकवादी घोषणा गरेको छ।
कार्यकारी अधिकार सम्पन्न राष्ट्रपति
चुनाव सम्पन्न हुनासाथ टर्कीमा संसदीय प्रणालीबाट प्रत्यक्ष कार्यकारी राष्ट्रपति शासन सुरु हुनेछ।
गत वर्ष टर्कीमा भएको असफल कू पछिको जनमतसंग्रहले राष्ट्रपतिलाई थप अधिकार दिने निर्णय गरेको थियो।
नयाँ परिवर्तनसँगै अब टर्कीका राष्ट्रपतिले उपराष्ट्रपति, मन्त्री, उच्च पदस्त अधिकारी र न्यायाधीशहरु नियुक्त गर्न पाउनेछन्। साथै, राष्ट्रपतिलाई संसद् विघटन गराउनुका साथै संकटकालको घोषणा गर्न पाउने अधिकार पनि दिएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1771347882.jpg)
-1764146706.png)
