मैमाना, अफगानिस्तान- अफगानिस्तानको उत्तरी प्रान्त फर्याबमा अवस्थित एक प्रहरी जाँचचौकीमा सुरु भएको दोहोरो गोली हानाहानमा परी १० व्यक्तिको मृत्यु भएको छ।
उत्तरी क्षेत्रमा रहेको अफगान सुरक्षा प्रवक्ताका अनुसार मृत्यु हुनेमा ८ तालिबान आतङ्ककारी र दुई सुरक्षा अधिकारी रहेका छन्।
सिरिन तगाब जिल्लाको शास तेवा क्षेत्रमा रहेको सुरक्षा जाँचचौकीमा मंगलबार अबेर राति आएका तालिबान आतङ्ककारी समूहले आक्रमण गरेका थिए। आक्रमणपछि तालिबान र सुरक्षा अधिकारीबीच दोहोरो गोली हानाहान भएको थियो।
तीन घन्टासम्म जारी रहेको यस गोली हानाहानमा परी ६ जना घाइते भएका छन्।
तालिबान आतङ्ककारी समूहले यस विषयमा केही प्रतिक्रिया दिएका छैनन्।रासस/सिन्ह्वा
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
