नयाँ दिल्ली- भारतका प्रधानमन्त्री नरेन्द्र मोदीले भारत–चीन सीमामा भएको भिडन्तपछिको अवस्थाबारे छलफल गर्न सर्वदलीय बैठक गर्ने भएका छन्।
मोदीले जुन १९ अर्थात् शुक्रबारका लागि सर्वदलीय बैठक बोलाएका हुन्। बैठक शुक्रबार बेलुका पाँच बजे बस्ने प्रधानमन्त्री कार्यालयलाई उद्धृत गर्दै भारतीय सञ्चारमाध्यमले उल्लेख गरेका छन्।
सोमबार राति लद्दाखको पूर्वी क्षेत्रको वास्तविक नियन्त्रण रेखा (एलएसी) को गलवान उपत्यका सीमा क्षेत्रमा भारत र चीनका सेनाबिच भिडन्त भएको थियो।
सो भिडन्तमा भारतका एक उच्च सैनिक अधिकारीसहित २० सैनिकको मृत्यु भएको थियो। मोदीले त्यसपछि उत्पन्न भएको परिवेशबारे छलफल गर्न बैठक बोलाएका हुन्।
भारत शान्ति चाहान्छ तर ...
भारतीय प्रधानमन्त्री नरेन्द्र मोदीले भारत चीन सीमामा मारिएका सैनाहरुको सहादत व्यर्थ नजाने बताएका छन्। उनले भारत सधैं शान्तिको पक्षमा रहेको तर उक्साउनहरूमाथि जवाफी कारबाही गर्न भने सक्षम रहेको टिप्पणी गरेका छन्।
हामी जिम्मेवार छैनौं, भारतीय सेनाले प्रोटेकल तोडे
चीनको विदेश मन्त्रालयले गलवान घाटीमा भएको घटनामा आफूहरु जिम्मेवार नभएको टिप्पणी गरेको छ। विदेश मन्त्रालयका प्रवक्ता झाओ लिजियानले यसमा सही के हो र गलत के हो भन्ने कुरा प्रष्ट रहेको बताए। ‘यो घटना एलएसीको चीनतर्फको क्षेत्रमा भएको छ। यसका लागि हामी जिम्मेवार हुन सक्दैनौं’ प्रवक्ता झाओले भने‚ ‘गलवान घाटीको सम्प्रभुता सधैं चीनसँग रहेको छ, भारतीय सैनिकले बोर्डरमा प्रोटोकल र कमान्डरस्तरमा भएको सहमतिको गम्भीर उल्लंघन गरे।’
प्रवक्ताले चीन अब अन्य संघर्षको पक्षमा नभएको स्पष्ट पारे। उनले दुवै देशका बीचमा कुटनीतिक र सैनिकस्तरमा वार्ता चलिरहेको पनि जानकारी गराए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
