भारत-चीन झडपमा मृत्यु हुने २० भारतीय सैनिकको पहिचान खुल्यो

विश्व

नेपाल लाइभ बुधबार, असार ३, २०७७ १५:५९

नयाँ दिल्ली- लद्दाखस्थित भारत-चीन सीमा क्षेत्र गलवान उपत्यकामा भएको झडपमा मृत्यु हुने २० भारतीय सैनिकको परिचय खुलेको छ। मृत्यु हुनेमा कोही पनि नेपाली नभएको खुलेको छ।

मृत्यु हुनेमा सन्तोष बाबु‚ नुदुरम सोरेन‚ मन्दिपसिंह पटियाला‚ सतनाम सिंह‚ पालानी मदुरई‚ सुनिल कुमार‚ विपुल राय‚ दीपक कुमार‚ राजेश ओरांग‚ कुन्दनकुमार ओझा रहेका छन्। यसैगरी गणेश राम‚ चन्द्रकान्ता प्रधान‚ अंकुश‚ गुरबिन्दर‚ गुरतेज सिंह‚ चन्दन कुमार‚ कुन्दन कुमार‚ अमन कुमार‚ जय किशोर सिंह‚ गणेश हंसदाको मृत्यु भएको पुष्टि भएको हो।

सोमबार रातिभएको झडपमा चिनियाँ सेना र भारतीय सेनाबीच झडप हुँदा २० भारतीय सैनिक मारिएका थिए। यो घटना चीन र भारतबीचको ४५ वर्षयताकै सबैभन्दा ठूलो घटना भएको उल्लेख गरिएको छ।

मंगलबार मध्यान्ह एक अधिकृत तथा दुई जवानको मृत्यु भएको बताइए पनि अबेर २० सैनिकको मृत्यु भएको समाचार सार्वजनिक भएको हो। अधिकारीहरुका अनुसार गम्भीर घाइते भएका १७ जनाको पनि मृत्यु भएपछि मृतकको संख्या २० पुगेको थियो।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।