एजेन्सी- प्रधानन्याधीशविरुद्ध सार्वजनिक पत्रकार सम्मेलन गरेर विरोध जनाएको केही महिना नबित्दै भारतको सर्वोच्च अदालतमा पुन: मनमुटावको विषय सार्वजनिक भएको छ। अधिवक्ता शान्ति भुषणले दायर गरेको ‘प्रधानन्यायाधीशको रोस्टर’ विवादमा दायर भएको निवेदनमाथि न्यायाधीश चेलमेश्वरले सुनुवाइ गर्न अस्विकार गरिदिएका छन्।
‘मैले आदेश गरेको २४ घन्टा बित्नेबित्तिकै त्यसलाई उल्टाउने निर्णय गर्दिनँ,' न्यायाधीश चेलमेश्वरले भने, ‘म दुई महिनापछि अवकाशमा जाँदैछु, देशले आफै फैसला गर्नेछ।’
न्यायाधीश चेलमेश्वर सर्वोच्च अदालतका प्रधानन्याधीश दीपक मिश्रापछि सबैभन्दा वरिष्ठतम न्यायाधीश हुन्।
‘मेरो लागि यो पनि भनिएको छ कि म कुनै अफिसलाई हत्याउनका लागि यो सबै गरिरहेको छु,’ निवेदनमाथिको सुनुवाइ अस्विकार गर्दै न्यायाधीस चेलमेश्वरले भने, ‘यदि अरु कसैलाई चिन्ता छैन भने म पनि चिन्ता गर्नेछैन, देशको इतिहासलाई हेर्दै अहिले यस मामिलालाई सुन्ने अवस्थामा छैन।’
वरिष्ठ अधिवक्ता प्रशान्त भुषणले न्यायाधीश चेलमेश्वरको नजिकै शान्ति भुषणको निवेदनलाई मेन्सन गर्दै भनेका थिए, 'उनले प्रधानन्यायाधीशको ‘मास्टर अफ रोस्टर’लाई चुनौती दिएका छन्।'
निवेदनमा मुद्दाको अन्य काम सहकर्मी न्यायाधीशलाई गराउने अधिकार प्रधानन्यायाधीशलाई हुने जिकिर गरिएको थियो।
सर्वोच्च अदालतमा रहेको रजिस्टर डायरीमा रहेको नम्बरसमेत हेर्न दिइएको छैन। न्यायाधीहरुको गतिविधिबारे जान्न पाउने जनताको हक यसमा खोसिएको जिकिर निवेदनमा गरिएको छ। यस प्रकरणको सुनुवाइ वरिष्ठ न्यायाधीशबाटै गराउनुपर्ने निवेदनमा भनिएको छ। तर वरिष्ठ न्यायाधीश चेलेमेश्वरले यसलाई आफू अवकाशको मुखमा पुगेकाले सर्वोच्च र प्रधानन्यायाधीशको विषयमा कुनै पनि मुद्दा हेर्न नसक्ने बताए।
प्रधानन्यायाधीशले तोकेको इजलासको उक्त मुद्दा हेर्नसमेत उनले इन्कार गरिदिएका छन्। यसअघि उनीसहित चार न्यायाधीशले पेशी तोक्ने विषयमा प्रधानन्यायाधीश मिश्रले अन्याय गरेको भन्दै पत्रकार सम्मेलन गरेका थिए। उक्त प्रकरणको अहिले पनि अन्त्य भएको छैन।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791562069.png)
-1786602170.png)
