गाजा– इजरायलबाट शरणार्थीका रूपमा गाजा क्षेत्र र वरपरका स्थानमा प्यालेष्टिनीहरूले आँफू जन्मेको स्थानमा फर्किन पाउनुपर्ने दावीका साथ भएका प्रदर्शनको फोटो लिने क्रममा घाइते बनेका पत्रकारको शनिबार निधन भएको प्यालेष्टिनी अधिकारीले बताएका छन्।
गाजास्थित समाचार संस्था ऐनका प्यालेष्टिनी फोटोे पत्रकार यासेर मुर्तजालाई शुक्रबार भएको प्रदर्शनको फोटो लिने क्रममा गोली लागेको प्यालेष्टिनी स्वास्थ्य मन्त्रालयले जनाएको छ। अस्पताल स्रोतका अनुसार उपचारका क्रममा एक पत्रकार र एक अन्य व्यक्तिको निधन भएकोे छ।
उक्त प्रदर्शनका क्रममा ठूलो सङ्ख्यामा प्यालेष्टिनी प्रदर्शनकारी घाइते भएका थिए। अघिल्लो हप्ता पनि दशौँ हजारको सङ्ख्यामा प्रदर्शन भएको र सो सययमा १७ जनाको इजरायली सेनाको गोली लागेर मृत्यु भएको थियो भने करिब १ हजार ४ सय जना घाइते भएका थिए। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
