एजेन्सी– कालो हरिण शिकार मुद्धामा जेलमा रहेका भारतीय अभिनेता सलमान खानको जमानत हुने फैसला अन्यौलमा परेको छ। सलमानले जमानतका लागि जोधपुर अदालतसमक्ष दिएको निवेदनमाथि सुनुवाई गरिरहेका ‘सेशन कोर्ट’ का न्यायाधीश रविन्द्र कुमार जोशीको सरुवा भएपछि सलमानको निवेदनमाथिको फैसला अन्योलमा परेको हो।
राजस्थान उच्च अदालतले गए राति ८७ न्यायाधिशको सरुवा गर्न आदेश दिएको थियो। त्यसमा जोशीको नाम समेत रहेको छ।
जोधपुरस्थित ‘सेशन कोर्ट’मा आज बिहान भारतीय समयअनुसार साढे १० बजे सलमान खानको रिहाइमाथी सुनुवाई हुने कार्यतालिका थियो।
सलमानका वकिल आनन्द देशाईले भने आजै सुनुवाइ हुने र सलमानलाई जमानत मिल्नेमा आशावादी रहेको बताएका छन्।
शुक्रबार रिहाइको मुद्धामा सुनुवाइ गर्दै न्यायाधिश रविन्द्र जोशीले फैसला आजका लागि सारेका थिए। जोशीको सरुवासँगै उनको स्थानमा न्यायाधिस चन्द्रकुमार सोंगरा रहने बताइएको छ।
यसअघि कालो हरिण शिकार मुद्दामा सलमानलाई जोधपुर अदालतले ५ वर्षको जेल सजाय तथा १० हजार भारु जरिवाना तोकेको थियो। शुक्रबार जामानतका लागि सलमान खानले दायर गरेको निवेदनमाथि जोधपुरस्थित ‘सेशन कोर्ट’मा करिब डेढ घण्टा सुनुवाइ चलेको थियो।
सुनुवाइका क्रममा खानका वकिल आनन्द देशाईले सलमानलाई जमानतमा रिहा गर्नका लागि न्यायाधिश समक्ष आग्रह गरेका थिए। यसअघि अदालतका हरेक आदेशहरु सलमानले मान्दै आएको र बोलाइएको समयमा पनि आफै अदालतमा उपस्थित भएको भन्दै वकिल देशाईले सेलीब्रेटी भएकोले सलमानलाई जमानत दिन आग्रह गरेको बताइएको छ।
आज पनि सलमानलाई जमानत नमिलेमा उनी सोमबारसम्म जेलमा बस्नुपर्ने हुन्छ। उनलाई जोधपुरको केन्द्रिय कारागारमा राखिएको छ।
सलमानमाथि २० वर्षअघि वन अधिकृत ललित बोराले कालो हरिणको शिकार गरेको आरोपमा मुद्दा दायर गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
