काठमाडौं- सोमबार बहराइन हिडेका ३० नेपालीहरुलाई फर्काइएको छ। उनीहरु फ्लाई दुवईमार्फत् युएई हुँदै रोजगारीका लागि बहराइन हिँडेका थिए।
बहराइनले फ्लाई दुवईलाई अवतरण गर्न नदिएपछि उनीहरुलाई युएई नै फर्काइएको थियो। युएईस्थित नेपाली दूतावासका अनुसार उनीहरुलाई ४ दिन युएईमा राखियो।
४ दिनपछि पनि सो फ्लाई दुवईलाई बहराइनले प्रवेश खुल्ला नगरेपछि उनीहरुलाई नेपाल फर्काइएको हो।
नेपाल कोरोना भाइरसको जोखिममा रहेका कारण नेपालीहरुलाई बहराइनले प्रवेशमा रोक लगाएको जस्ता समाचार प्रकाशित भए पनि वास्तविकता त्यस्तो नभएको वैदेशिक राेजगार संघका महासचिव सुजितकुमार श्रेष्ठले बताए।
‘बहराइनले नेपालीहरुलाई प्रवेशमा रोक लगाएको होइन, खास कारण के थियो भने त्यो फ्लाई दुवईमा केही दिनअघि बहराइनका एक नागरिक अवैध ढंगबाट इरान पुगी इरानबाट युएई हुँदै सोही फ्लाईमार्फत् बहराइन पुगेका रहेछन्। बहराइन पुगेको २ दिनमै कोरोनाका कारण उनको मृत्यु भएछ जसले गर्दा सो फ्लाई दुवईलाई बहराइनले रोक लगाएको रहेछ।’ महासचिव श्रेष्ठले भने।
फ्लाई दुवईमार्फत् नै ३० नेपालीहरु बहराइन प्रवेश गर्न लागेकाले उनीहरु फर्कनुपर्ने अवस्था आएको तर नेपाली प्रवेशमा रोक नलगाइएको पुष्टि भएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1782563266.png)
-1764146706.png)
