मस्को– ६० अमेरिकी कुटनितिले बिहीबार रुस छाडेका छन्। पूर्व रसियाली गुप्तचरलाई विषाक्त रासायनिक पदार्थ सेवन गराएर हत्या प्रयास गरेको आरोपमा अमेरिकाले ६० जना रुसी कुटनितिज्ञलाइ देश निकालाको घोषणा गरेपछि रुसले पनि उती नै संख्यामा अमेरिकी कुटनितिज्ञलाई आफ्नो देश छोड्न आदेश दिएको थियो।
राजधानी मस्कोबाट प्राप्त समाचारअनुसार रुसले देश निकाला गरेका ६० जना अमेरिकी कूटनीतिज्ञहरु बिहीबार बिहानै अमेरिकी दूताबासबाट बाहिरिएका हुन्।
एएफपी समाचारदाताले भनेका छन्– ६० जना अमेरिकी कूटनीतिज्ञ र उनका परिवारसमेत मस्कोस्थित दूताबासमा जम्मा भएर बसमा चढी विमानस्थलसम्म पुगेका थिए। उनीहरु आजै अमेरिकाका लागि प्रस्थान गरेका छन्।
यसअघि अमेरिकी सरकारको आदेशअनुरुप ६० जना रुसी कुटनितिज्ञ भने अमेरिकाको वासिंगटनबाट रुस फर्किसकेका छन्। गतहप्ता मात्रै उनीहरु अमेरिका छोडेर आफ्नो देशतर्फ लागेका थिए। रुस फर्किने टोलीमा रुसी कूटनीतिज्ञहरुका अलावा उनीहरुका परिवारका सदस्य गरि करिब १ सय ७० जना रहेका थिए।
उता अमेरिकाबाट रुसी कूटनीतिज्ञहरु फर्किँदै गरेको दिन नै रुसले पनि यहाँको सेन्ट् पिटर्स्बर्गस्थित अमेरिकी कन्सुलेट कार्यालय बन्द गर्न निर्देशन दिएको थियो।
सोही कन्सुलेट कार्यालयका अमेरिकी कूटनीतिक कर्मचारीहरुले बिहीबार रुस छोडेका हुन्। अमेरिकाले आफ्ना ६० जना कर्मचारीलाई देश निकाला गरेकोले रुस सरकारले पनि ६० जना अमेरिकी कूटनीतिज्ञलाई एक हप्ताभित्र देश छोड्न भनेको थियो।
तर अमेरिका र बेलायतले भने आफ्ना कूटनीतिज्ञहरुलाई बिना कुनै आधार रुसले देश निकाला गरिरहेको भन्दै यस कदमको विरोध गर्दै आएका छन्।
त्यसैगरी अरु केही युरोपेली र पश्चिमा मुलुकहरुले पनि आफ्नो देशमा रहेका रुसी कूटनीतिज्ञहरुलाई देश फर्कन आदेश दिएकाले आफूहरुले पनि सोही बमोजिम ती देशका कूटनीतिज्ञहरुलाई देश निकाला गर्ने रुसको भनाई छ। रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
-1791562069.png)
