मिङ्गोरा, पाकिस्तान- महिला शिक्षाका लागि गरेको योगदानबापत नोबेल शान्ति पुरस्कार प्राप्त गर्न सफल पाकिस्तानी अधिकारकर्मी मलाला युसुफजाई शनिबार पाँच वर्षपछि आफ्नो गृहनगर स्वेत उपत्यका पुगेक छन्।
महिला शिक्षाका लागि गरेको योगदानको कदर गर्दै उनलाई १७ वर्षको उमेरमै नोबेल शान्ति पुरस्कार प्रदान गरिएको थियो। उनी सबैभन्दा कम उमेरमा नोबेल शान्ति पुरस्कार पाउन सफल व्यक्ति हुन्।
गृहनगर पुगेपछि उनका आमाबाबु तथा दुई भाइले खुसी साटासाट गरेका छन्। उनले आफन्त तथा छिमेकीसँग लामो समयपछि भेट गरेको पाकिस्तानी सञ्चारमाध्यमले जनाएका छन्।
सेनाको हेलिकोप्टरमा पुगेकी उनी इश्लामावादबाट उत्तरपश्चिमी क्षेत्र मिङ्गोरामा केही समय बसेकी थिइन्। त्यसपछि उनी १३ किलोमिटर टाढा रहेको विद्यालय स्वेत क्याडेट कलेज गुली वागमा पुगिन्। सन् २०१२ को अक्टोबर ९ सम्म सँगै अध्ययन गरेको सबै साथीसँग उनले त्यहाँ भेट गरिन्।
मलालामाथि सन् २०१२ अक्टोबर ९ मा तालिबान समर्थक एक व्यक्तिले मलालाको टाउकोमा गोली प्रहार गरेका थिए। तत्कालै सेनाको सहयोगमा अस्पताल लगी उपचार गरिएको थियो।
हाल बेलायतको अक्सफोर्ड विद्यालयमा अध्ययन गरिरहेको भए पनि स्वदेशमा फर्केर सेवा गर्ने इच्छा रहेको उनले आँखाभरि आँसु पार्दै बताएकी थिइन्।
मलालाको विश्वभर प्रशंसा गरिए पनि उनका घरेलु आलोचकले भने 'पश्चिमाहरूको दलाल बनेर आएको' भन्दै यसबाट पाकिस्तानको शिर झुकेको बताएका छन्। यसैले पनि उनी रुढीवादी तालिबान लगायतका समूहको निशाना बन्दै आएकी छन्।
पर्यटकको लागि सुन्दर, सफा हिमालयन दृश्य रहेको उक्त क्षेत्रमा सन् २००७ देखि पाकिस्तानी तालिबान समूहको आधार इलाका बनाइएको थियो। तर उनीहरूको बर्बर, पासविक तथा कपटी शासनका कारण अपार पर्यटकीय सम्भावना रहे पनि सुरक्षाको दृष्टिकोणले यहाँ पर्यटक आउन भने समस्या हुने गरेको छ।
सन् २००९ मा सेनाले तालिबान लडाकुलाई यस क्षेत्रबाट धपाएको भए पनि यदाकदा उनीहरूले गाउँलेमाथि देखाउने दुर्व्यवहारका कारण सरकारले उक्त क्षेत्रमा पर्यटकलाई नजान अनुरोध गर्दै आएको छ।रासस/एएफपी
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791781329.png)
-1791779517.png)
-1791778269.png)
-1791777931.png)
-1786602170.png)
