काठमाडौं– प्रधानमन्त्री केपी शर्मा ओलीसँग बंगलादेशका नागरिक उडड्यन तथा पर्यटनमन्त्री एकेएम शाहजहाँ कमालले शिष्टाचार भेट गरेका छन्।
प्रधानमन्त्री ओलीले गत सोमबार भएको युस–बाङ्लाको विमान दुर्घटनाबाट निधन भएकाहरुको शोकमा परेका बंगलादेशका प्रधानमन्त्री, सरकार र जनतालाई समवेदना प्रकट गरे।
भेटका क्रममा मन्त्री कमालले नेपाल सरकारले विमान दुर्घटनापछि घाइतेको उद्धार र उपचारमा देखाएको सक्रियताको प्रशंसा गरेका थिए। नेपालको यो सदासयताका लागि बंगालादेशका प्रधानमन्त्री शेख हसिना वाजेजले प्रधानमन्त्री ओलीलाई कृतज्ञता प्रकट गरेको समेत उनले जानकारी गराए।
प्रधानमन्त्री ओलीले घटनाको छानबिन गर्न सरकारले जाँचबुझ आयोग गठन गरेको जानकारी गराएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
