काठमाडौं- टुँडिखेलमा भेला भएका हजारौं नेपालीले आज एकसाथ गौतम बुद्धको वचन ‘धम्मपद’ वाचन गरेका छन्। आयोजकका अनुसार ७५ हजारको संख्यामा उपस्थितहरुले धम्पपद वाचन गरेका हुन्। गिनिज बुकमा रेकर्ड राख्न कार्यक्रम आयोजना गरिएको विश्व कीर्तिमानी परिषद् नेपालले जनाएको छ।
बुद्ध वचन धम्मपदमा रहेका मध्ये २५ बुँदालाई सहभागीहरुले वाचन गरेका हुन्। कार्यक्रममा प्रधानमन्त्री केपी ओली, माओवादी केन्द्रका अध्यक्ष प्रचण्ड, एमाले नेता सुवास नेम्वाङ, सञ्चारकर्मी रवि लामिचाने, मिस नेपाल सुगरिका केसी लगायतका कलाकर्मीसमेत सहभागी थिए।
प्रधानमन्त्री ओलीले दुनियाँमा अझै पनि बुद्धबारे भ्रम रहेको बताउँदै बुद्ध नेपालमै जन्मेका हुन् भनेर आजको संख्याले थप पुष्टि गरेको बताए।
कार्यक्रममा कलाकार धिरज राईले विदेशमा भएका नेपालीहबाट आफ्नो खातामा जम्मा भएको ४ लाख रुपैयाँ आयोजकलाई बुझाएका छन्।
यही कार्यक्रममार्फत बुद्ध नेपालमै रहेको भन्ने सन्देश पनि दिन खोजिएको आयोजकको भनाइ छ।
हास्य कलाकार मनोज गजुरेलले सलमान खानको जन्म पनि नेपालको झापा र भारतीय प्रधानमन्त्री नरेन्द्र मोदी पनि नेपालमा जन्मेका हुन् भनी व्यंग्य गरेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
