कंगो- लोकतान्त्रिक गणतन्त्र कंगो (डिआर कंगो) को माजेमा बिहीबार र शुक्रबार भएको जातीय हिंसामा परी ४० जनाको मृत्यु भएको छ।
हेमा र लेन्डु नामका दुई जातिबीचमा इतुरी प्रान्तमा भिडन्त भएको सुरक्षाकर्मीहरुले जनाएका छन्।
स्थानीय स्रोतका अनुसार मारिएका मध्ये अधिकांश हेमा जातीय समुदायका छन्। उनीहरूलाई लेन्डु आक्रमणकारीले एक्कासी रातको समयमा गाँउमै गएर आक्रमण गरेका थिए।
घटनास्थलमा शान्ति सुरक्षा कायम गर्न सुरक्षा अधिकारीहरुको बैठक बसेको इतुरी प्रान्तका गभर्नरले जनाएका छन्।
'आक्रमणमा परी मारिएकाहरूको शव अहिलेसम्म पनि घटनास्थलमै छ, अन्त्येष्टि गर्नुअघि केन्द्रीय सरकारका मानवीयता सम्बन्धी मन्त्रीले घटनास्थलमै गएर शवहरु अवलोकन गर्नेछन् भन्ने हामीले चाहेका छौं,' इतुरी नागरिक समाजका अध्यक्ष जेअन बोस्को लालोले भने।
२ महिना अघिदेखि भएको हेमा र लेन्डु बीचको भिडन्तका क्रममा यसअघि १ सयभन्दा बढीको मृत्यु भइसकेको छ। सदरमुकाम तय गर्ने सम्बन्धी विवादका कारण उनीहरूबीच भिडन्त हुँदै आएको छ।
बेला-बेलामा भइरहने हिंसामा हजारौं घरहरु जलाइएका छन् भने ६० हजारभन्दा बढी मानिस बुनिआतर्फ विस्थापित भएका छन्। रासस
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
