लहान- पेस्तोलसहित पक्राउ परेका सिरहाको कल्याणपुर नगरपालिका– ३ इटारी प्रसाहीका २७ कासिन्द्र यादवविरुद्ध प्रहरीले मुद्दा दर्ता गरेको छ।
कल्याणपुर नगरपालिका– ११ बाट पक्राउ परेका यादवलाई प्रहरीले सोमबार पत्रकार सम्मेलन गरी सार्वजनिक गरेको थियो। यादवविरुद्ध हातहतियार तथा खरखजाना मुद्दा दर्तासहित जिल्ला प्रशासन कार्यालय सिरहाबाट म्याद थप गरी थप अनुसन्धान भइरहेको जिल्ला प्रहरी कार्यालय सिरहाले जनाएको छ।
यसैगरी नक्कली नोटसहित पक्राउ परेका नरहा गाउँपालिका–२ का ३२ वर्षीय रोशनकुमार यादव र धनुषाको सहिदनगर नगरपालिका–२ का १६ वर्षीय महेशकुमार यादवविरुद्ध खोटा अपचलन मुद्दा चलाइएको छ।
सवारी चेकजाँचका क्रममा नक्कली नोट फेला परेपछि प्रहरीले नयाँ चोहर्वा चोकवाट दुवैलाई पक्राउ गरेको थियो। ज ५ प ६२०९ नम्बरको मोटरसाइकल चेकजाँच गर्दा हजार दरका नेपाली १५ र भारु ३ वटा नक्कली नोट फेला पारेको प्रहरीले जनाएको छ।
दुवैमाथि थप अनुसन्धान भइरहेको छ। खोटा अपचलन अन्तर्गत बिगो बराबरको जरिवाना र ५ वर्षसम्मको कैदको व्यवस्था छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
