काठमाडौं- राष्ट्रियसभा सदस्यका लागि ६ वटा प्रदेशमा मतदान सुरु भएको छ।
निर्वाचित हुने ५६ मध्ये २४ जना यसअघि नै निर्विरोध भइसकेकाले अब ५२ उम्मेदवार ३२ पदका लागि प्रतिस्पर्धा गर्दैछन्। प्रदेश २ मा सबै सदस्य निर्विरोध भइसकेकाले आज १, ३, ४, ५, ६ र ७ नम्बर प्रदेशमा मतदान भएको हो।
मतदाताका लागि प्रत्येक समूहका लागि दुईथरी मतपत्र रहेको छ। उही नाम र चिह्नका मतपत्र प्रदेशसभाका सदस्य र स्थानीय तहका अध्यक्ष, उपाध्यक्ष, प्रमुख र उपप्रमुखको लागि फरक-फरक रङमा तयार गरिएको छ।
राष्ट्रियसभाको निर्वाचनका लागि मतदाताको रुपमा प्रदेशसभाका सदस्य र स्थानीय तहका अध्यक्ष, उपाध्यक्ष, प्रमुख र उपप्रमुख छन्। स्थानीय तहका प्रतिनिधिको मतभार १८ हुनेछ। प्रदेशसभाको सदस्यको मतभार भने ४८ हुनेछ।
राष्ट्रियसभाका कुल ५९ सदस्यमध्ये ३ जना मन्त्रिपरिषद्को सिफारिसमा राष्ट्रपतिले मनोनीत गर्नेछन्।
मतदान ३ बजेसम्म सकिने निर्वाचन आयोगका प्रवक्ता नवराज ढकालले जानकारी दिए। निर्वाचन कार्यक्रम उच्च अदालत रहेका ठाउँमा सम्पन्न हुनेछ।
प्रदेश ३ का लागि ललितपुरको पाटनमा जारी मतदान कार्यका तस्बिरहरु-
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
