कोरियामा कार्यरत एक नेपाली झुन्डिएको अवस्थामा भेटिए

प्रवास

नेपाल लाइभ बुधबार, भदौ ४, २०७६ १५:५६

सोल- कोरियाको बुसानमा कार्यरत एक नेपाली झुन्डिएको अवस्थामा भेटिएका छन्।

मृतक काभ्रे जिल्ला बेथानचोक ३ लप्सीबोट घर भई ६ वर्षदेखि यहाँ कार्यरत केदार तिमल्सिना रहेको काभ्रे सम्पर्क समितिका अध्यक्ष सीताराम तिमल्सिनाले जानकारी दिए।

कोरियाको पहिलो पाँचवर्षे कार्यकाल पूरा गरी केदार पुन: सिबिटी परीक्षा दिएर कोरिया आएका थिए। मृतकका घरमा श्रीमती र एक महिनाको छोरा रहेको बताइएको छ। मृतकको शव पोस्टमार्टमका लागि बुसानस्थित एक स्थानीय अस्पतालमा राखिएको छ।

घटनाका विषयमा मौखिक जानकारी आए पनि प्रहरीबाट कागजातहरु आइनसकेको सोलस्थित नेपाली दूतावासले जनाएको छ।

कागजात आइसकेपछि आवश्यक प्रक्रिया अघि बढाइने कोरियाका लागि नेपाली श्रम सहचारी डिल्लीराम बाँस्तोलाले जानकारी दिए।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

त्रिकोणात्मक सिरिजः नेपालले अन्तिम खेल थाइल्याण्डसँग खेल्दै

सिन्धुलीमा गाडी दुर्घटनाः चालकको मृत्यु, अन्य ५ जनाको उपचार हुँदै

सिन्धुलीमा ईभी गाडी दुर्घटना, ६ जना घाइते