नेकपाको प्रवास संगठन कोरियाले टुंग्यायो एकता प्रक्रिया

प्रवास

नेपाल लाइभ बुधबार, असार १८, २०७६ १७:२७

सोल- नेकपाको प्रवास संगठन प्रवासी नेपाली एकता मञ्च दक्षिण कोरियाले संगठनको एकता प्रक्रिया टुंगो लगाएको छ। कोरियामा रहेका प्रवास संगठनहरु तात्कालीन एमालेको प्रवासी नेपाली मञ्च र माओवादीको नेपाल जनप्रगतिशील मञ्च दक्षिण कोरियाले क्षेत्रीय कमिटीको एकता टुंगो लगाएका हुन्।

कोरियाका लागि पार्टीले संयोजकको टुंगो लगाएसँगै यहाँका क्षेत्रीय कमिटीको एकता पनि टुंग्याइएको संगठनका संयोजक परशुराम सापकोटाले जानकारी दिए।

तीन महिना अघिदेखि सुरु गरिएको एकता प्रक्रिया देशभरका १२ क्षेत्रीय कमिटीहरुको एकता पूरा गर्दै आईतबार टुंग्याईएको संयोजक सापकोटाले बताए।

यसअघि कोरियाका विभिन्न सहरमा तात्कालीन एमालेका ११ ओटा र तात्कालीन माओवादीको एउटा क्षेत्रीय कमिटी रहेका थिए।

पार्टीका अन्य संगठनमा जस्तो कोरियामा भने भागबण्डाका आधारमा कमिटी गठन नगरिएको सापकोटाको भनाई छ।

सन् १९९६ मा गठन भएको प्रवासी नेपाली मञ्च र सन् २००६ मा गठित जनप्रगतिशीलको एकता भएसँगै अब कोरियामा क्रियाशील सदस्यको संख्या ८ सय पुगेको संगठनले जनाएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

आहा–रारा पोखरा गोल्डकपः संकटा र सिक्किमको थन्डरबोल्ट युनाइटेड खेल्दै

चितवनमा राष्ट्रिय ‘डेरी एक्स्पो’

सुनको मूल्य चार सय रुपैयाँले घट्यो, चाँदीको कति ?