नेपाल लाइभ समाचार [२०७९ वैशाख २३]

भिडियो

नेपाल लाइभ शुक्रबार, वैशाख २३, २०७९ २२:०६

१. राजधानी शहर रहेको काठमाडौंमा महिलाले हार्न नहुने भन्दै भोट दिन प्रधानमन्त्री शेरबहादुर देउवाको आग्रह, पुरुषले लछारपाटो लगाउन नसकेकाले अब महिलालाई अवसर दिनुपर्नेमा प्रचण्डको जोड । (गठबन्धनका शीर्ष नेताको आह्वान)

२. पुर्पक्षका लागि थुनामा रहेका रौतहट हत्याकाण्डका आरोपी अफताव आलमलाई धरौटीमा रिहा गर्न सर्वोच्चद्वारा अस्वीकार, अब मुद्दाको टुंगो नलागेसम्म जेलमै बस्नुपर्ने। (आलमको अपिल अस्वीकार)

३. पुँजी बजार देशको अर्थतन्त्रको ऐना बन्न सक्नुपर्ने सरोकारवालाको भनाइ, सबै क्षेत्रको परिपक्क पुँजी लगानीको आवश्यकता रहेको उल्लेख, सेयर मार्केट अब शुक्रबार पनि खुल्ने । ( सेयर मार्केट अब शुक्रबार पनि खुल्ने)

४. आफ्ना विदेशमन्त्रीको आपत्तिजनक टिप्पणीप्रति रुसी राष्ट्रपति भ्लादिमिर पुटिनले मागे माफी, माफी मागेकोप्रति राष्ट्रपति पुटिनलाई इजरायली प्रधानमन्त्री बेनेटद्वारा धन्यवाद व्यक्त। (रुसी राष्ट्रपति पुटिनले मागे माफी)

५. र, पहिलो एकदिवसीय खेलमा घरेलु टोली नेपालविरुद्ध भ्रमणकारी टोली जिम्बावे ‘ए’ को जित, नेपाल ३ विकेटले पराजित, अब नेपालले शनिबार जिम्बावेसँग दोस्रो खेल खेल्ने । ( नेपालविरुद्ध जिम्बावे ‘ए’ को जित)