सुर्खेत– प्रहरीको गोली लागेर एक जना सहकर्मीको मृत्यु भएपछि कालीकोटका म्यादी प्रहरीहरु आक्रोशित भएका छन्। प्रहरीको गोली लागेर सहकर्मी विवेक ऐडीको मृत्यु भएको भन्दै आक्रोशित बनेका म्यादी प्रहरीले जिल्लाका दुई वटा प्रहरी बिटमा तोडफोड गरी आगजनी गरेका छन्।
आक्रोशित म्यादी प्रहरीले कालीकोट जिल्लाको जिरोप्वाइन्टमा रहेको प्रहरी बिट र प्रतिमाचोकमा रहेको प्रहरी बिटमा तोडफोड गरेका हुन्। म्यादी प्रहरी जनसरा शाहीले निर्वाचनजस्तो महत्वपूर्ण काम सम्पन्न गरेर बिदा हुने समयमा प्रहरीबाटै सहकर्मी मारिनु दुखद् भएको बताइन्। अर्का म्यादी प्रहरी हस्तबहादुर विकले घटनाको तत्काल छानबिन गरी दोषिलाई कारबाही गरिनुपर्ने माग गरे।
स्थानीय प्रशासनले भने गोली लागेर नभई ढुंगाले लागेर ऐडीको मृत्यु भएको दाबी गरेको छ। प्रमुख जिल्ला अधिकारी बद्रीनाथ गैरेले म्यादी प्रहरी ऐडीको गोली लागेर नभएर ढुंगा लागेर मृत्यु भएको बताए। म्यादी प्रहरीले ढुंगामुढा प्राहार गरेपछि प्रहरीले लाठी चार्ज, हवाइ फाएर र अश्रु ग्यास प्रहार गरेको तर गोली लागेर कसैको मृत्यु नभएको उनले दाबी गरेका छन्।
झडपमा परी मृत्यु भएका म्यादी प्रहरी विवेक ऐडी
प्रत्यक्षदर्शी स्थानीयवासीहरुले भने प्रहरीको गोली लागेर ऐडीको मृत्यु भएको जनाएका छन्।
पाउनुपर्ने जति पारिश्रमिक नपाएको भन्दै म्यादी प्रहरीले ढुंगामुढा गरेपछि कालीकोटमा प्रहरी र म्यादी प्रहरीबीच झडप भएको थियो। शुक्रबार म्यादी प्रहरीको बिदाइका क्रममा प्रहरी र म्यादी प्रहरीबीच झडप भएको हो।
म्यादी प्रहरीले आफूले पाउनुपर्ने भन्दा ५ हजार रुपैयाँ कम दिइएको भन्दै विरोध जाएका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
