मेयरले पत्रकारलाई फेरि धम्क्याउँदै भने– परशुराम बस्नेतलाई सुपारी दिइसकेको छु, आफ्नो सुरक्षा गर [अडियो]

नेपाल लाइभ

मेयरले पत्रकारलाई फेरि धम्क्याउँदै भने– परशुराम बस्नेतलाई सुपारी दिइसकेको छु, आफ्नो सुरक्षा गर [अडियो] 'म र ‌ओलीलाई यो देशमा कारबाही गर्नु एउटै हो'

नेपाल लाइभ मंगलबार, जेठ २१, २०७६ २०:२४

इटहरी– इटहरी उपमहानगरपालिकाका मेयर द्वारिकलाल चौधरीले पत्रकार विराट अनुपमलाई बारम्बार धम्की दिइरहेका छन्।

आज दिउँसो १ बजेको समयमा फोन गरेरै उनले परशुराम बस्नेतलाई आफूले परिचालन गरिसकेको भन्दै धम्की दिए। उनले ‘तेरो नाकको हड्डी भाँचिदिन्छु’ भन्दै त्यसको लागि मान्छे पारिचालन गरिसकेको धम्की दिएका थिए।

त्यसको करिब ५ घण्टापछि अनुपमलाई फोन गरी चौधरीले आफ्नो सुरक्षा गर्न आग्रह गरेका हुन्।

आफू कम्युनिष्टको कार्यकर्ता भएको सम्झाउँदै उनले कम्युनिष्ट पार्टीको कार्यकर्ता डिक्टेट स्वभावको हुने बताएका छन्। ६ मिनेट लामो कुराकानीमा उनले आफूले सुपारी दिइसकेकोले सुरक्षित हुन दबाब दिएका हुन्।

‘सक्छौ भने आफ्नो सुरक्षा गर। सुपारी दिइसकेको छु,’ उनले भनेका छन्, ‘मेरो सामाजिक मर्यादा र राजनैतीक करियरको क्षतिपूर्ति कसले दिन्छ? म र केपी ओलीलाई यो देशमा कसैले कारबाही गर्नु एउटै हो। अब तिमीलाई माफ गर्दिन म’, उनले थप भनेका छन्, ‘यस्ता पत्रुकारको कुरा म जान्दछु। तिमी आफ्नो सुरक्षा गर। अहिले आफू नेपालगञ्जमा छु। सक्छौ भने आएर देखाऊ भाइ।’

यो पनि पढ्नुहोस्:

पत्रकारलाई इटहरीका मेयरको धम्की– तेरो नाकको हड्डी भाँच्न बाँकी छ

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society. http://nepallive.com

लेखकबाट थप

साढे ३ वर्षपछि पहिलो पटक राप्रपा कार्यालय पुगे कमल थापा

कम्युनिष्ट पार्टीहरु एक ठाउँमा आउनुपर्छ : महासचिव वैद्य

गर्मी बढेसँगै सर्पको बिगबिगी