काठमाडौं- श्रम, रोजगार तथा सामाजिक सुरक्षा मन्त्रालयमा सोमबार बसेको केन्द्रीय श्रम सल्लाहकार परिषको बैठकमा श्रमिकहरुको न्यूनतम पारिश्रमिकलाई कार्यान्वयनमा जोड दिनुपर्ने बारे छलफल भएको छ।
श्रम मन्त्री गोकर्ण विष्टको अध्यक्षतामा सरकार, रोजगारदाता र ट्रेड युनियनका प्रतिनिधिहरुको सहभागितामा सम्पन्न उक्त बैठकमा श्रम अडिट मापदण्ड २०७५ लाई कार्यान्वयन गर्दै श्रमिकहरुको हकहित र न्यूनतम पारिश्रमिक कार्यान्वयनमा जोड दिनुपर्ने बारे छलफल भएको हो।
बैठकमा छलफलका क्रममा कामदारहरुमाथि कार्यास्थलमा हुने हिंसा तथा दुव्र्यवहारको अन्तय हुनुपर्ने सम्बन्धी अन्तराष्ट्रिय श्रम संगठन (आइएलओ) बाट तयार भएको मापदण्ड कार्यान्वयनमा जोड दिनुपर्ने सरोकारवालाहरुले टिप्पणी राखेका थिए।
उक्त बैठकमा प्रस्तावित नीतिमा सबै क्षेत्रका श्रमिकहरुलाई कार्यस्थलमा स्वास्थ्य र सुरक्षाका पर्याप्त व्यवस्था गरी सरकारी र नीजि सबै क्षेत्रमा कार्यरत श्रमिकहरुका लागि सुरक्षित र उपयुक्त कार्य वातावरण सुनिश्चित गरिनुपर्ने बताइएको थियो।
यसैगरी, श्रम अडिट मापदण्डको प्रचार प्रसार गरी सरकारी निकाय, निजी तथा गैरसरकारी क्षेत्रका कार्यालय तथा प्रतिष्ठानहरुमा कार्यान्वयनको व्यवस्था मिलाउने र आवश्यकतानुसार सामयिक परिमार्जन गर्ने एवम् श्रम कानूनका प्रावधानहरुलाई प्रदेश तथा स्थानीय तहमा पनि प्रभावकारी रुपमा लागू गर्न गराउन श्रम,रोजगार तथा सामाजिक सुरक्षा मन्त्रालयले सरकार, रोजगारदाता तथा ट्रेड युनियनका प्रतिनिधि रहेको समिति गठन गरी प्रकृया अगाडि बढाउने निर्णय गरिएको मन्त्रालयका प्रवक्ता नारायण रेग्मीले जानकारी दिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
