काठमाडौँ- अर्थ मन्त्रालयले वित्तीय हस्तान्तरणमार्फ आगामी आर्थिक वर्षमा स्थानीय तह र प्रदेशका लागि उपलब्ध गारएको अनुदान सार्वजनिक गरेको छ। योसँगै अर्थ मन्त्रालयले देशभर रहेको सात वटा महानगरपालिकाले पाउने समानीकरण अनुदान र सशर्त वापत दिइने अनुदान रकमको विवरण सार्वजनिक गरको हो।
यसरी दिएको रकममध्ये सबैभन्दा बढी रकम काठमाडौं महानगरपालिकालाई विनियोजन गरिएको छ भने सबैभन्दा कम रकम विराटनगर महानगरपालिकालाई विनियोजन गरिएको छ।
समानीकरण अनुदान र शशर्त अनुदान गरी काठमाडौं महानगरले सबैभन्दा बढी १ अर्ब ८३ करोड २७ लाख रुपैयाँ पाउने छ भने काठमाडौंसँगै जोडिएको ललितपुर महानगरपालिकाले भने काठमाडौं महानगरपालिकाले पाएको भन्दा आधा कम अर्थात् ९१ करोड ६१ लाख रुपैयाँ मात्रै पाउने छ।
यसैगरी पोखरा महानगर पालिकाले पनि १ अर्ब ७७ करोड २९ लाख र भरतपुर महानगरपालिकाले १ अर्ब ३२ करोड ४४ लाख रुपैयाँ पाउने छ। तर, विराटनगर महानगरपालिकाले भने सबैभन्दा कम ८५ करोड १६ लाख रुपैयाँ मात्रै पाउने छ। साथै वीरगञ्ज महानगर पालिकाले पनि १ अर्ब ५ करोड ३७ लाख रुपैयाँ पाउने छ। ६ वटै महानगरले यी २ शीर्षकमा ७ अर्ब ७५ करोड १४ लाख रुपैयाँ पाउने भएका छन्।
काठमाडौंमा नेकपाका विद्या सुन्धर शाक्य महानगर प्रमुख छ भने ललितपुरमा कांग्रेसका चिरबाबु महर्जन छन।
यसैगरी विराटनगरमा कांग्रेसका भिम पराजुली, पोखरामा नेकपाका मानबहादुर जीसी, भरतपुर महानगरपालिकामा नेकपा रेणु दाहाल र विरगञ्जमा समाजवादी पार्टी नेपालका विजयसराबगी मेयर छन्।
कुन स्थानीय तहलाई कति बजेट?
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
