काठमाडौं– भक्तपुरस्थित सहिद धर्मभक्त राष्ट्रिय प्रत्यारोपण केन्द्र (मानव अंग प्रत्यारोपण केन्द्र) का नर्सहरुको मागमा ऐक्यबद्धता जनाउन दुई जना नर्स अनसन बस्दैछन्।
पोखराकी नर्स जिता बराल २ बजेदेखि लाजिम्पाटस्थित नर्सिङ संघको भवनमा अनसन बसेकी छन् भने ६ बजेदेखि मानव अंग प्रत्यारोपण केन्द्रमै नर्स डिकी शेर्पा अनसन बस्ने भएकी छन्।
जिताले पानी पनि नखाई अनसन बस्ने बताइन्। ‘१६औं दिनसम्म कसैले पनि वास्ता गरेका छैनन्, कति अन्यायमा बस्ने भनेर अनसन बस्ने निर्णय गरेका हौ,’ नर्स जिताले भनिन्।
नेपाल नर्सिङ संघकी आजीवन सदस्यसमेत रहेकी उनी स्वतन्त्र नर्स हुन्। यसरी अन्यायमा परेका नर्सहरुको मागलाई समर्थन गर्न आफूले साथ दिएको बताउने उनी भन्छिन्, 'सबै जना मे १२ (नर्सिङ दिवस) का लागि जुटेका छन्। तर, हाम्रो मागबारे सुनुवाइ भएको छैन।’
काम र अनुभव हेरेर बढुवा गर्नुपर्ने, आफ्ना मान्छेलाई छानेर राख्नुभन्दा काम गर्दै आएकालाई प्रोत्साहन गर्नुपर्ने, जोखिम भत्ता प्रदान गर्नुपर्ने जस्ता माग राखेर केन्द्रका नर्सहरु आन्दाेनमा हाेमिएका छन्।
आन्दोलनरत नर्सहरुले गत शुक्रबार स्वास्थ्य मन्त्रालयमा केन्द्रका निर्देशक डा पुकारचन्द्र श्रेष्ठलाई घेराउ गरी समस्या समाधानको पहल गर्न आग्रह गरेका थिए। तर, नर्सलाई प्रहरीले पक्राउ गरेर रातिसम्म हिरासतमा राखेका थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
