काठमाडौं- सरकारले नयाँ ट्याक्सी दर्ता तथा सञ्चालन मापदण्ड निर्माणसँगै लागू गर्ने तयारी अन्तिम चरणमा पुराएको छ। यातायात व्यवस्था विभागले मापदण्ड तय गरेर भौतकि पूर्वाधार तथा यातायातमन्त्री रघुवीर महासेठको टेबलमा पुर्याइसकेका छन्।
मन्त्रालय स्रोतका अनुसार मन्त्री महासेठले नयाँ ट्याक्सी दर्ता तथा सञ्चालन मापदन्ड मन्त्रिपरिषद्मा समेत पेस गरिसकेका छन्। नयाँ ट्याक्सी दर्ता तथा सञ्चालन मापदण्डमा नयाँ ट्याक्सी दर्तामा न्यूनतम १२ सीसीको सवारी हुने पर्ने गरी व्यवस्था भएको समेत स्रोतको दाबी छ।
तर, मापदण्ड मन्त्रिपरिषदबाट भने स्वीकृत भइसको छैन। मापदण्ड स्वीकृत नभइसकेको अवस्थामा केही व्यवसायीहरुले भने पुरानो ट्याक्सी धमाधम स्कार्प गर्दै ७ सय ९६ सीसीको मारुती सुजुकी अल्ट्रो, ८ सय १४ सीसीको हुन्डाईको इओन ट्याक्सी दर्ता गराइरहेको छन्।
विभागमा प्राविधिक निर्देशक प्रेमबहादुर सिंहको संयोजकत्वमा बनको कार्यदलले नयाँ ट्याक्सी दर्ता तथा सञ्चालन मापदण्ड तयार गरेको थियो। स्रोतका अनुसार मापदण्डमा सामान्यतया ट्याक्सी दर्ता जुनसुकै समयमा जोसुकैले गर्न पाउने तर, दर्ताका लागि १२ सीसीको सवारी हुने पर्ने सर्त अगाडि सारिएको छ।
विमानस्थल कार्यालयले गर्यो १२ सीसीका ट्याक्सी सञ्चालन गर्न टेन्डरको तयारी
यसैबीच त्रिभुवन अन्तर्राष्ट्रिय विमानस्थल कार्यालयले भने अहिले ट्याक्सी सञ्चालन गरिरहेको कम्पनीको समय अवधि सकिएलगतै हुने टेन्डरमा १२ सीसीको सवारी हुनु पर्ने गरी नयाँ टेन्डर गर्ने तयारी गरको छ।
कार्यालयले नयाँ ट्याक्सी सञ्चालनका लागि केही दिन अगाडि मात्रै यातायात व्यवस्था विभागसँग राय मागेको थियो। सरकारले नयाँ ट्याक्सी दर्ता तथा सञ्चालनको लागि नयाँ मापदण्ड तयारी गरिरहेको जानकारीसहित विमानस्थल कार्यालयलाई राय दिएको विभागमा महानिर्देशक कुमारप्रसाद दाहालले जानकारी दिए।
विभागले विमानस्थल भित्रबाट यात्रु ओसारपोसारमा प्रयोग हुने हरियो प्लेटको ट्याक्सी पनि नयाँ प्रक्रियाबाट ल्याउँदा १२ सीसी इन्जिन क्षमताकै सवारी प्रयोग गराउनु उचित हुने राय दिएको उनको भनाइ छ। ‘विभागले राय मात्रै दिएको हो,' दाहालले भने, ‘लागू गर्ने वा नगर्ने विमानस्थल कार्यालय र प्रदेश ३ सरकारको अधिकार क्षेत्रभित्र पर्छ।’
‘तत्काल नै सञ्चालनमा रहेका ट्याक्सीलाई १२ सय सीसी क्षमताको बनाउन सकिँदैन,' विमानस्थल कार्यालयका प्रमुख राजकुमार क्षेत्रीले भने, ‘केही समयपछि हुने टेन्डर प्रक्रियाबाट आउने नयाँ ट्याक्सीका हकमा भने १२ सय सीसी लागू गर्न सकिन्छ।’
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1778551198-1778552039.jpeg)
-1786602170.png)
