छुट्टाछुट्टै दुर्घटनामा ३ जनाको मृत्यु, २ घाइते

ब्लग

नेपाल लाइभ शुक्रबार, मंसिर ८, २०७४ १०:४३

उर्लाबारी, मोरङ- मोरङको बूढीगंगा गाउँपालिका– ३ स्थित कोसी राजमार्गमा ट्यांकरको ठक्करबाट स्कुटरमा सवार एक महिलाको मृत्यु भएको छ। अर्की एक महिला घाइते भएकी छिन्।

दक्षिणबाट उत्तरतर्फ जाँदै गरेको को १ ख ४५९९ नम्बरको ट्यांकरले सोही दिशातर्फ जाँदै गरेको को २५ प ८२०२ नं को स्कुटरलाई ठक्कर दिएको थियो। सो क्रममा गम्भीर घाइते भएकी स्कुटरपछाडि बस्ने सुनसरी, इटहरी– ६ की २७ वर्षीया खुश्बु शाहको विराटनगरस्थित गोल्डेन अस्पतालमा उपचारका क्रममा मृत्यु भएको हो।

अर्की घाइते २१ वर्षीया चालक आशा रिजालको सोही अस्पतालमै उपचार भइरहेको जिल्ला ट्राफिक प्रहरी कार्यालयका प्रमुख प्रहरी निरीक्षक मदन गिरीले जानकारी दिए। ठक्कर दिने ट्यांकर र चालकलाई प्रहरीले नियन्त्रणमा लिएको छ।

यस्तै सप्तरीको सुरुङ्गा नगरपालिका ४ कदमाहा चोक नजिकै गएराति ना ५ ख ५४३ नम्बरको ट्रकको ठक्करबाट बा २२ प ७२९८ नम्बरको मोटरसाइकलमा सवार २ जनाको घटनास्थलमै मृत्यु भएको छ। ४ जना सवार मोटरसाइकलमा २ जना गम्भीर घाइते भएका हुन्।

मृत्यु हुनेमा मोटरसाइकलमा सवार लहान नगरपालिका २ का अन्दाजी १८ वर्षीय सञ्जय राम र २२ वर्षीय अर्का युवक रहेका छन्।

घाइते २ जनाको न्युरो अस्पताल विराटनगरमा उपचार भइरहेको जिल्ला प्रहरी कार्यालय सप्तरीले जनाएको छ। ठक्कर दिने ट्रकसहित चालकलाई इलाका प्रहरी कार्यालय कल्याणपुरले नियन्त्रणमा लिएको छ।

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

यू–१९ महिला विश्वकप: भारतको विजयी सुरुवात

एक सय ९५ किलो गाँजासहित पक्राउ

सहज बन्दै मनाङको यात्रा