काठमाडौं- चीनको राजकीय भ्रमणमा रहेकी रहेकी राष्ट्रपति विद्यादेवी भण्डारी र उनका समकक्षी सी चिनफिङबीच आज द्विपक्षीय भेटवार्ता हुँदैछ। गणतन्त्र स्थापना भएपछि पहिलो पटक नेपालका राष्ट्रप्रमुख र चिनियाँ राष्ट्र प्रमुखबीच राजकीय तहको भेटवार्ता हुन लागेको हो।
दुई राष्ट्रपतिबीच बेइजिङस्थित सरकारी मुख्याल ग्रेट हल अफ दि पिपुलमा नेपाली समय अनुसार दिउँसो ४ः२५ देखि ४ः४५ सम्म भेटवार्ता हुने कार्यक्रम छ।
भेटवार्ताका लागि २० मिनेट समय छुट्टयाइएको भए पनि त्यो केही मिनेट लम्बिएर आधा घन्टासम्म जान सक्ने बताइएको छ।
राष्ट्रपति भण्डारीले भेटवार्ताको सुरुमै चीनका राष्ट्रपति सीलाई नेपाल भ्रमणको निमन्त्रणा दिनेछिन्।
परराष्ट्र मन्त्रालयका अनुसार दुई पक्षीय भेटवार्ताका क्रममा व्यापार तथा पारवहन सन्धिको प्रोटोकल लगायत केही महत्त्वपूर्ण द्विपक्षीय योजनाहरूमा हस्ताक्षर हुनेछ। राष्ट्रपति सीसँग भेट्नुअघि भण्डारीले चिनियाँ कम्युनिस्ट पार्टीका स्थायी समिति सदस्य तथा अनुशासन आयोगका प्रमुख झाओ लेजीबीच भेटवार्ता हुनेछ।
बेइजिङमा आयोजित दोस्रो बेल्ट एन्ड रोड इनिसिएटिभ (बिआरआई) सम्मेलनको छेको पारेर चीनले राष्ट्रपति भण्डारीलाई राजकीय भ्रमणमा बोलाएको थियो।
बैसाख ११ गते चीनको राजकीय भ्रमणमा निस्केकी भण्डारीले बिआरआई सम्मेलन र विभिन्न देशका राष्ट्र तथा सरकार प्रमुख सहभागी गोलमेच सम्मेलनलाई समेत सम्बोधन गरेकी थिइन्।
राष्ट्रपति भण्डारी बैसाख १९ स्वदेश फर्किने कार्यक्रम छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
