तीर्थयात्री सवार बस दुर्घटनामा एकको मृत्यु

ब्लग

नेपाल लाइभ शुक्रबार, मंसिर १, २०७४ १९:११

पर्वत- कुश्मा नगरपालिका–१४ को धार्मिक तथा पर्यटकीयस्थल पञ्चासेमा शुक्रबार दिउँसो यात्रुबस दुर्घटना हुँदा एक जनाको मृत्यु भएको छ।

पञ्चासेमा सतबीज छर्न यात्रु लिएर गएको ध १ ख ८७ नम्बरको बस दुर्घटना हुँदा पोखरा लेखनाथ महानगरपालिका मालेपाटनका दीपक गुरुङको मृत्यु भएको हो।

बालाचतुर्दशीका अवसरमा पञ्चासेमा सतबीज छर्न गएका तीर्थयात्री बोकेर आर्थर आउँदै गरेको बस अपराह्न ४ बजे रेसको पाखामा दुर्घटना भएको हो।

पर्वत, कास्की र स्याङ्जाको सिमानामा पर्ने भञ्ज्याङमा बस सडकबाट एक सय मिटर तल खसेको थियो। घटनामा ४० यात्रु घाइते भएको र तीमध्ये आठ जनाको अवस्था गम्भीर रहेको जिल्ला प्रहरी कार्यालयले जनाएको छ।

घाइतेहरुको पोखरामा उपचार भइरहेको छ। रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

सपथ लिनुअघि ट्रम्पले ल्याए आफ्नै क्रिप्टोकरेन्सी

मदन भण्डारी राजमार्गको पूर्वी खण्डमा ४२ किलोमिटर सडक कालोपत्र, कँहा कँहा कति भइसक्यो ?

एमालेमा फर्किँदै बामदेव गौतम