मापसे गरी मोटरसाइकल चलाउँदा एक जनाको मृत्यु, दुई घाइते

ब्लग

नेपाल लाइभ बुधबार, कात्तिक २९, २०७४ ०९:२५

रत्ननगर, चितवन- पूर्वी चितवनको कालिका नगरपालिका–२ स्थित लंकालाइनमा मोटरसाइकल अनियन्त्रित भई दुर्घटना हुँदा एक जनाको मृत्यु भएको छ। अन्य दुई जना घाइते भएका छन्।

आज बिहान करिब १:३० बजेको समयमा तीन जना सवार ना ४६ प ९३४० नम्बरको मोटरसाइकल अनियन्त्रित भई पल्टिएको थियो।

लंकालाइनबाट भरतपुरतर्फ जाने क्रममा भएको सो दुर्घटनामा परी मोटरसाइकल चालक रत्ननगर नगरपालिका–११ का ३१ वर्षीय विवेक दराईको मृत्यु भएको जिल्ला प्रहरी कार्यालय, चितवनले जनाएको छ।

मोटरसाइकलको पछाडि बस्ने सोही ठाउँका २५ वर्षीय दुखिराम दराई र कालिका नगरपालिका–३ का ३१ वर्षीय अविनास महतो घाइते भएका छन्। उनीहरुको अहिले कलेज अफ मेडिकल साइन्सेज, शिक्षण अस्पताल, भरतपुरमा उपचार भइरहेको छ। उनीहरुले मादक पदार्थ सेवन गरेर मोटरसाइकल चलाएको प्रहरीले अनुमान गरेको छ।रासस

नेपाललाइभमा प्रकाशित सामग्रीबारे कुनै गुनासो, सूचना तथा सुझाव भए हामीलाई nepallivenews@gmail.com मा पठाउनु होला।

प्रतिक्रिया दिनुहोस्

नेपाल लाइभ Nepal’s independent digital media. Offers quick current affairs update, analysis and fact-based reporting on politics, economy and society.http://nepallive.com

लेखकबाट थप

नयाँ अध्ययन: महिलामा क्यान्सरका घटना बढ्दै, पुरुषमा घट्दै

सरकार ढल्न लाग्यो भन्नु विपक्षीको छटपटी मात्र हो : उपमहासचिव ज्ञवाली

फुल कन्ट्याक्टमा नेपाललाई ६ स्वर्णसहित २५ पदक