चितवन- एक बालकलाई बाेलेराे जिपले ठक्कर दिई मृत्यु भएकाे विराेधमा सडक अवरुद्ध गरिरहेकाहरुमाथि प्रहरीले बल प्रयाेग गरेकाे छ।
चितवनकाे रत्ननगर-१० स्थित निपनि चाेकमा टायर बालेर सडक अवरुद्ध गरिरहका स्थानयहरुमाथि प्रहरीले लाठी तथा केही सेल अश्रु ग्यास प्रहार गरी साे क्षेत्रबाट तितरवितर पारेकाे छ। अहिले प्रहरी र आन्दाेलनकारी बीच ढुंगा हानाहान भइरहेकाे छ।
घटनास्थलमा ठूलाे संख्यामा प्रहरी परिचालन गरिएकाे छ।
प्रहरीले निपनी चाेकमा ४ घण्टादेखि अवरुद्ध सवारी आवागमन खुलाउने प्रयास गर्दा झडप भएकाे हाे।
पूर्वपश्चिम राजमार्गअन्तरर्गत निपनि चाेकमा साेमबार बिहान साढे ९ बजे ना४च ५००७ नम्बरकाे बाेलेराे जिपले बालकलाई टक्कर दिई मृत्यु भएकाे थियाे।
मृत्यु हुनेमा स्थानीय कैलाश टाेल बस्ने १३ वर्षीय वसन्त थापा मगर रहेकाे जिल्ला प्रहरी कार्यालय चितवनले जनाएकाे छ। सडकमा साइकल चलाइरहेकाे अवस्थामा थापालाई जिपले ठक्कर दिएकाे थियाे। ठक्करपछि गम्भीर घाइते भएका उनकाे भरतपुरस्थित चितवन मेडिकल कलेजमा उपचारकाे क्रममा मृत्यु भएकाे हाे।
मगर स्थानीय लाइसियम स्कुलमा कक्षा ८ मा अध्ययनरत थिए।
सयाैंकाे संख्यामा उपस्थित स्थानीयले बालकलाई ठक्कर दिने चालक र सवारीलाई नियन्त्रणमा लिन माग गर्दै सवारी आवागमन ठप्प पारेका हुन्।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
