चितवन- पूर्वी चितवनकाे रत्ननगरस्थित निपनी चाेकमा ४ घण्टादेखि यातायात अवरुद्ध भएकाे छ।
पूर्वपश्चिम राजमार्गअन्तरर्गत निपनि चाेकमा साेमबार बिहान साढे ९ बजे ना४च ५००७ नम्बरकाे बाेलेराे जिपले बालकलाई टक्कर दिई मृत्यु भएकाे भन्दै सडक अवरुद्ध गरिएकाे हाे।
मृत्यु हुनेमा स्थानीय कैलाश टाेल बस्ने १३ वर्षीय वसन्त थापा मगर रहेकाे जिल्ला प्रहरी कार्यालय चितवनले जनाएकाे छ। सडकमा साइकल चलाइरहेकाे अवस्थामा थापालाई जिपले ठक्कर दिएकाे थियाे। ठक्करपछि गम्भीर घाइते भएका उनकाे भरतपुरस्थित चितवन मेडिकल कलेजमा उपचारकाे क्रममा मृत्यु भएकाे हाे।
मगर स्थानीय लाइसियम स्कुलमा कक्षा ८ मा अध्ययनरत थिए।
स्थानीयले हाल सडकमा टायर बालेर आन्दाेलन गरिरहेका छन्। सयाैंकाे संख्यामा उपस्थित स्थानीयले बालकलाई ठक्कर दिने चालक र सवारीलाई नियन्त्रणमा लिन माग गर्दै सवारी आवागमन ठप्प पारेका हुन्।
उनीहरुले एम्बुलेन्स, शववाहनलगायत अत्यावश्यक सवारीलाई भने आवातजावतमा राेक लगाएका छैनन्। सडक अवरुद्ध गरिरहेका केही प्रदर्शनकारीलाई प्रहरीले नियन्त्रणमा लिएकाे पनि जनाइएकाे छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1769934026.jpg)
-1764146706.png)
