काठमाडौं– सरकारले काठमाडौंभित्र पोल प्रविधिमा रहेको बिजुलीको तार भूमिगत गर्ने कामको लागि कम्पनी छनोट गरेको छ।
नेपाल विद्युत प्राधिकरणले महाराजगञ्ज र रत्नपार्क वितरण केन्द्रअन्तर्गतको विद्युतको तारलाई भूमिगत गर्ने गरी कम्पनी छनोट गरेको हो।
प्राधिकरणले विद्युतीय तार भूमिगतका लागि सबैभन्दा कम रकममा काम गर्न कबुल गर्ने भारतीय कम्पनी केइआई इन्डस्ट्रिज लिमिटेड छनोट गरेको छ।
कम्पनी छनोटसहित प्राधिकरणले ६ फागुनमा बोलपत्रको नतिजा सार्वजनिक गर्दै छनोट भएको कम्पनीलाई कार्यसम्पादन जमानत सहित खरिद सम्झौताका लागि आउन पत्राचार गरेको छ।
कम्पनीले सूचना जारी भएको २८ दिनभित्र कार्यसम्पादन जमानतसहित ठेक्का सम्झौताका लागि आउनु पर्ने हुन्छ।
लागत कति?
प्राधिकरणले महाराजगञ्ज वितरण केन्द्रअन्तर्गतको काम गर्न २ करोड ५५ लाख ८१ अमेरिकी डलरमा र १ अर्ब १ करोड ७० लाख रुपैयाँ (करबाहेक) हो।
यसैगरी प्राधिकरणले भारतीय कम्पनीसँग रत्नपार्क वितरण केन्द्रअन्तर्गतको कामका लागि २ करोड २९ लाख डलर र ८३ करोड १५ लाख रुपैयाँ (करबाहेक)मा सम्झौता गर्न लागेको हो। बिजुलीको तार भूमिगत गर्ने काम ठेक्का सम्झौतापछि जेठबाट सुरु हुने प्राधिकरणले जनाएको छ।
कम्पनीले काम सुरु गरको ३० महिनामा बिजुलीको तार भूमिगत गर्नुपर्ने हुन्छ। पहिलो चरणमा काठमाडौंको पूर्व तथा दक्षिणमा पर्ने बागबजार, असन, दरबारमार्ग लगायत रत्नपार्क वितरण केन्द्रले समेटेका क्षेत्र र मध्य तथा उत्तरमा बालुवाटार, गोंगबु, सामाखुशीलगायतका महाराजगञ्ज वितरण केन्द्रअन्तर्गतका क्षेत्रमा पर्ने विद्युत वितरण प्रणालीलाई भूमिगत तथा स्वचालित गरिने छ।
जसअन्तर्गत महाराजगञ्ज र रत्नपार्क वितरण केन्द्रका मुख्य सडकमा ११ केभी र ४ सय भोल्टका प्रणालीलाई भूमिगत र अटोमेसन गरिनेछ। तार भूमिगत गरिएसँगै दुई वितरण केन्द्र अन्तर्गतका करिब ९० हजार ग्राहकका घरमा स्मार्ट मिटरसमेत जडान हुनेछ।
दोस्रो चरणमा अन्य महानगरपालिका र उपमहानगरपालिकामा भूमिगत लाइनलाई आधुनिकीकरण र स्मार्ट मिटर जडान गर्ने योजना प्राधिकरणको छ। सडक खन्दा सर्वसाधारणलाई धेरै सास्ती खेप्न नपरोस् भनेर ‘होराइजेन्टल डाइरेक्सनल ड्रिलिङ’ प्रविधि अपनाइनेछ।
यो प्रविधि अपनाउँदा केही मिटरको दुरीमा दुई खाल्डा खनेर बीचमा भूमिगत तरिकाले नै पाइप हाल्न सकिन्छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789010467.jpg)
-1786602170.png)
