एजेन्सी– विश्व सुटिङ प्रतियोगितामा सहभागिताका लागि भारतले दुई जना पाकिस्तानी खेलाडीलाई भिसा दिन अस्विकार गरेको छ।
नयाँ दिल्लीमा बुधबारदेखि सुरु भएको विश्व सुटिङ प्रतियोगिताका लागि भारतले २५ मिटर र्यापिड फायर इभेन्टमा प्रतिस्पर्धा जनाउन लागेका पाकिस्तानी खेलाडीलाई भिसा दिन अस्वीकार गरेको हो।
जम्बु कास्मिरमा भएको आतंकवादी हमलापछि भारतले पाकिस्तानलाई विश्वभरबाट एक्ल्याउने रणनीति लिएको छ। हमलामा भारतले पाकिस्तानको हात रहेको आरोप लगाएको छ। तर पाकिस्तानले भने अस्विकार गर्दै आएको छ। दुई देशबीच आरोप–प्रत्यारोप चहिरहदा भारतले पाकिस्तानी खेलाडीलाई भिसा दिन अस्विकार गरेको हो।
भारतको यो कमद ओलम्पिक च्याप्टर बिपरित भएको ठहर गर्दै अन्तर्राष्ट्रिय ओलम्पिक काउन्सिल (आइओसी) भारतमाथि कारबाही गरेको छ। बुधबार बसकेो आइओसीको बैठकले सन् २०२० टोकियो ओलम्पिकको छनोटको रुपमा रहेको प्रतियोगितका लागि २५ मिटर र्यापिड फायर इभेन्टको २ वटा कोटा हटाउने निर्णय गरेको छ। साथै आइसिओसीले भारतले सबै देशका खेलाडीलाईभाग लिन दिने ग्यारेन्टी नगरेसम्म ओलम्पिकसँग सम्बन्धित कुनै पनि प्रतियोगिता आयोजना गर्नको अधिकार नदिने निर्णय गरेको छ।
आइओसीको यो निर्णयसँगै भारतका लागि ओलम्पिकका प्रतियोगिता गर्ने दाबीमा असर पर्ने भएको छ। भारतले सन् २०२६ को युथ ओलम्पिक्स, २०३० को एसियन गेम्स र २०३२ को ओलम्पिक गेम्सका लागि दाबी प्रस्तुत गर्दै आएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
