काठमाडौँ- सत्ताढ राष्ट्रिय स्वतन्त्र पार्टी (रास्वपा( का संसदीय दलका सचेतक प्रकाशचन्द्र परियारले प्रतिनिधिसभाको दोस्रो अधिवेशनमा गरेका कामकारबाही र प्रगति विवरण समेटिएको रिपोर्ट कार्ड सार्वजनिक गरेका छन् ।
बिहीबार सार्वजनिक कार्डमा उनले सामाजिक न्याय, सुशासन, दलित अधिकार, जलवायु न्याय, प्रेस स्वतन्त्रता, शिक्षा, स्वास्थ्य तथा सार्वजनिक जवाफदेहिताका विषयमा संसद्मा आवाज उठाएको दाबी गरेका छन् । साथै, विधेयक निर्माण तथा संशोधन प्रक्रियामा सहभागिता जनाउनुका साथै संसदीय दलको सचेतकका रूपमा समन्वयकारी भूमिका निर्वाह गरेको विवरणमा जनाइएको छ।
जनसरोकारका मुद्दामा जोड
रिपोर्ट कार्डअनुसार परियारले सामाजिक न्याय, नागरिक अधिकार, जनजीविका, सहकारी क्षेत्रका समस्या र सम्पत्ति शुद्धीकरणसम्बन्धी कानुनी व्यवस्थाका विषयमा सदनको ध्यानाकर्षण गराएका छन्। त्यस्तै, आत्महत्या रोकथाम, मानसिक स्वास्थ्य, पूर्ण प्रेस स्वतन्त्रता, जलवायु न्याय, ध्वनि प्रदूषण नियन्त्रण, कृत्रिम अभाव र कालोबजारी नियन्त्रणका विषयलाई पनि प्राथमिकतामा राखेका छन्।
दलित समुदायमाथिको ऐतिहासिक विभेद अन्त्य, अधिकार सुनिश्चितता र नीतिगत सुधारको आवश्यकता औँल्याउँदै उनले सार्वजनिक शिक्षा तथा स्वास्थ्य सेवाको गुणस्तर सुधार गर्नुपर्ने विषयसमेत उठाएको रिपोर्ट कार्डमा उल्लेख छ।
विधेयक र बजेटमाथि सहभागिता
परियारले संसद्मा विभिन्न विधेयकमाथि संशोधन तथा टिप्पणी प्रस्तुत गरेको विवरणमा जनाइएको छ। उनले सहकारी ९पहिलो संशोधन० विधेयक, २०८३, सम्पत्ति शुद्धीकरण निवारणसम्बन्धी तेस्रो संशोधन विधेयक, नेपाल विशेष सेवा विधेयक, फौजदारी कसुरसँग सम्बन्धित विधेयक तथा प्रतिनिधिसभा नियमावलीसम्बन्धी विषयमा सहभागिता जनाएको रिपोर्ट कार्डमा उल्लेख छ।
यसैगरी, आर्थिक वर्ष २०८३र८४ को बजेटमाथि पनि उनले आफ्नो धारणा राखेका थिए। विधेयक तथा नीतिगत प्रस्तावमाथिको छलफलमा सहभागिता जनाउँदै कानुन निर्माण प्रक्रियामा योगदान पुर्याएको विवरणमा उल्लेख छ।
सचेतकका रूपमा समन्वयकारी भूमिका
संसदीय दलको सचेतकका रूपमा परियारले सांसदहरूबीच समन्य गर्ने, संसदीय गतिविधिमा सक्रियता बढाउने तथा पार्टीको नीति र धारणाअनुसार संसदीय कामकारबाहीलाई प्रभावकारी बनाउने जिम्मेवारी निर्वाह गरेको रिपोर्ट कार्डमा जनाइएको छ।
संसदीय दलका बैठकमा उपस्थिति, विधायिकी कार्यव्यवस्थासम्बन्धी परामर्श तथा संसदीय मर्यादा र प्रक्रियाको पालना गराउने विषयलाई पनि उनको कार्यप्रगति विवरणमा समेटिएको छ।
समितिदेखि सामाजिक गतिविधिसम्म
रिपोर्ट कार्डमा कानुन निर्माण, न्याय तथा मानव अधिकारसम्बन्धी संसदीय समिति र छलफलमा सहभगिता जनाएको विवरण पनि समावेश छ। समितिगत काममार्फत विधेयकको अध्ययन, कानुनी व्यवस्थामाथिको छलफल र नीतिगत विषयमा योगदान पुर्याएको उल्लेख गरिएको छ।
यसका अतिरिक्त, राष्ट्रिय दलित आयोगका अध्यक्षसँगको भेटवार्ता, दलित समुदायको थर सूचीकरणसम्बन्धी छलफल, विद्यार्थीहरूसँग दलित अधिकारका विषयमा संवाद तथा प्रारम्भिक बालविकासका क्षेत्रमा क्रियाशील संस्थासँगको सहकार्यलाई पनि रिपोर्ट कार्डमा समेटिएको छ।
सामाजिक रूपान्तरण, शैक्षिक परामर्श, साहित्यिक बहस, राजनीतिक संवाद र नागरिक सरोकारका विभिन्न कार्यक्रममा सहभागिता जनाएको विवरणसमेत सार्वजनिक गरिएको छ।
रिपोर्ट कार्डले प्रतिनिधिसभाको दोस्रो अधिवेशनमा परियारको संसदीय भूमिका जनसरोकारका मुद्दा उठाउने, विधेयक तथा नीतिगत छलफलमा सहभागी हुने, संसदीय दलभित्र समन्वय गर्ने र सामाजिक सवालमा सक्रिय रहने विषयमा केन्द्रित रहेको देखाएको छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
