काठमाडौं - उदयपुरको चौदण्डीगढी नगरपालिका–१० खैरा झोरास्थित मदन भण्डारी लोकमार्गमा ट्याक्टर र मोटरसाइकल एकआपसमा ठोक्किँदा मोटरसाइकल चालकको मृत्यु भएको प्रहरीले जनाएको छ ।
शनिबार गाईघाटबाट बेल्टारतर्फ आउँदै गरेको प्रदेश १–०२–०६० प ८७११ नम्बरको मोटरसाइकल र विपरीत दिशाबाट जाँदै गरेको ना. ७ त ५३२५ नम्बरको ट्याक्टर एकआपसमा ठोक्किएर दुर्घटना भएको हो ।
प्रहरीका अनुसार दुर्घटनामा मोटरसाइकल चालक तत्काल नामथर, वतन नखुलेका करिब २९ वर्षीय पुरुष घाइते भएका थिए । उनलाई उपचारका लागि जिल्ला अस्पताल उदयपुर, गाईघाट लगिएकोमा चिकित्सकले जाँच गरी मृत घोषणा गरेका हुन् । मृतकको शव सोही अस्पतालमा रहेको छ ।
दुवै सवारीसाधन तथा ट्याक्टर चालक प्रहरीले नियन्त्रणमा लिएको छ ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1786602170.png)
