काठमाडौं– धनगढी प्रिमियर लिग (डिपिएल) टी–२० क्रिकेट प्रतियोगिताको दोस्रो क्वालिफायरको खेल काठमाडौं गोल्डेन्सले बहिस्कार गरेपछि महेन्द्रनगर युनाइटेड फाइनलमा पुगेको छ।
शुक्रबारका लागि तय भएको दोस्रो क्वालिफायरको खेल काठमाडौंले आफ्ना खेलाडी अंकित दबासलाई कारबाही गरेको भन्दै बहिस्कार गरेको थियो। शुक्रबार साढे १२ बजेका लागि तय भएको खेलमा काठमाडौं अनुपस्थित भएको थियो। मैदानमा टसका लागि काठमाडौं नआएपछि आयोजकले महेन्द्रनगरलाई विजेता घोषित गर्दै फाइनलमा पुर्याएको हो।
अब उपाधिका लागि शनिबार महेन्द्रनगर र अत्तरियाबीच प्रतिस्पर्धा हुनेछ।
आयोजकका अनुसार काठमाडौं गोल्डेन्सले खेलेको २ फरक खेलमा दबासको बलिङ एक्सन अनाधिकृत रहेको पाइएको थियो।
उनको बलिङबारे अनफिल्ड अम्पायरलाई दुई पटक उजुरी परेको थियो। उनले डिपिएलका समूह चरण र पहिलो क्वालिफायर गरी ५ खेल खेलेका थिए। दिल्लीका २६ वर्षी खेलाडी दबासले डिपिएलको आफीनो पहिलो खेलमा धनगढीविरुद्ध १ विकेट लिएका थिए। त्यसपछि उनले महेन्द्रनगरविरुद्ध २ विकेट, रुपन्देही च्यालेन्जर्सविरुद्ध १ विकेट र समूह चरणको अन्तिम खेलमा अत्तरियाविरुद्ध भने विकेट लिन सकेका थिएनन्। पहिलो क्वालिफायरअन्तर्गत अत्तरियाविरुद्ध भने उनले २ विकेट लिएका थिए।
काठमाडौंका टिम व्यवस्थापक संजय श्रेष्ठले भारतमा विभिन्न खेल खेलेको खेलाडीलाई बिनाकारण कारबाही गरेकोले खेल नखेलेको बताए।
उनले आइसिसीको नियमहरूको पालना आयोजकले नगरेको र मैदानको अवस्था खराब रहेकाले टिमले नखेल्ने निर्णय गरेको बताए। उनले भने, 'सुरुदेखि नै आयोजकले आइसिसीको नियम पालना गरेका छैनन्। मैदानको अवस्था पनि राम्रो छैन।'
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
1664177809.jpg)
1664177809.jpg)
-1764146706.png)
