काठमाडौं– आगामी शनिबार काठमाडौंमा हुने आइएफबिबि प्रोफेसनल लिग नेपाल बडिबिल्डिङ च्याम्पियनसिप २०१९ मा नेपालसहित १६ देशका बडिबिल्डरले प्रतिस्पर्धा गर्ने भएका छन्।
आयोजक आइएफबिबि लिग नेपालले बुधबार पत्रकार सम्मेलन आयोजना गर्दै अहिलेसम्म नेपालसहित १६ देशका खेलाडीले प्रतियोगितामा प्रतिस्पर्धा गर्न आवेदन दिएको जनाकारी दिएका छन्। प्रतियोगिता खेल्नका लागि इरान, इराक, साउदी अरेबिया, युएई, कतार, कुबेत, भारत, पाकिस्तान, श्रीलंका लगायतका देशका बडिबिल्डरले दर्ता गराएको आइएफबिबि लिग नेपालका अध्यक्ष सानु गुरुङले जानकारी दिएका छन्। गुरुङका अनुसार लगभग ६० बडिबिल्डरले प्रतियोगितामा प्रतिस्पर्धा गर्ने अनुमान गरिएको छ।
प्रतियोगिताको सम्पूर्ण तयारी पूरा भएको पनि आयोजकले जनाएको छ। खेलाडीको अन्तिम नामावली शुक्रबार प्रकासित हुनेछ। त्यहि दिन खेलाडीको नाम र तौल गरिनेछ। शनिबार विहान ८ हजे प्रि–जिजिङ गरिनेछ। दिउँसो २ बजेदेखि प्रतियोगिताको फाइनल खेल हुनेछ।
प्रतियोगिताका लागि ख्यातिप्राप्त बडिबिल्डर रोली विङ्कलार नेपाल आउने आउँदैछन्। उनी गेस्ट पोजरको लागि बिहीबार नेपाल आउँदैछन्। उनी यस वर्षको आर्नोल्ड क्लासिक विजेता हुन्। 'द विस्ट' र 'सामुराई' को उपनामले चिनिने उनी विश्वको सबैभन्दा ठूलो ज्यान भएका व्यक्ति हुन्। उनको हातको पाखुरा मात्र २४ इन्चको छ।
आयोजक आइएफबीबी लिग नेपालले बुधवार पत्रकार सम्मेलन गर्दै विङ्कलार नेपाल जानकारी दिएको हो।। सन् २०१३ देखि लगातार मिस्टर ओलम्पियामा प्रतिस्पर्धा गरेका विङ्कलार २०१८ मा तेस्रो भएका थिए।
बडिबिल्डिङको सबैभन्दा ठूलो प्रतियोगिता मानिने मिस्टर ओलम्पियामा भाग लिन प्रो कार्ड आवश्कता पर्छ र त्यसका लागि प्रो कार्ड अनिवार्य लिनुपर्ने हुन्छ।
नेपालमा हुने प्रो क्वालिफायरमा चार क्याटेगोरी प्रो कार्ड रहेका छन्। ‘मेन्स फिजिक’, ‘मेन्स क्लासिक फिजिक’ ‘मेन्स बडिबिल्डिङ,’ र महिलातर्फको ‘ओमन फिजिक’मा ‘प्रो कार्ड’ का लागि प्रतिस्पर्धा हुनेछ। ४ विधाका च्याम्पियनले मिस्टर ओलम्पियामा भाग लिने अवसर पाउनेछन्।
तीन पटकका मिस्टर नेपाल र दुई पटकको धर्मश्री च्याम्पियन सानु गुरुङले आइएफबीबीको फेन्चाइज नेपाल भित्र्याएर प्रो क्वालिफायर आयोजना गर्न लागेका हुन्।
प्रो क्वालिफायरमा सहभागिता जनाउने विदेशी खेलाडीले २५० र नेपाली खेलाडीले २०० अमेरिकी डलर दर्ता शुल्य तिर्नुपर्ने छ।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1764146706.png)
