राजविराज- सप्तरीमा आज बिहान प्रहरीको गोली लागि 'मोस्ट वान्टेड' सूचीमा रहेका एक जनाको मृत्यु भएको छ। आपराधिक घटनामा संलग्न रहेका सप्तरी कडोरवनाका ३५ वर्षीय दिपेन्द्र चौधरी प्रहरी कारबाहीमा मारिएका हुन्।
राजविराजबाट रुपनीतर्फ गइरहेको प्रहरी टोलीमाथी मोटरसाइकलमा रहेका व्यक्तिले गोली प्रहार गरेपछि जवाफी गोलि चलाउँदा माेटरसाइकलमा सवार चौधरीको घटनास्थलमै मृत्यु भएको सप्तरीका प्रहरी उपरीक्षक राजेन्द्र बिष्टले जानकारी दिए। मोटरसाइकल चालक भने अँध्याराेकाे फाइदा उठाउँदै भाग्न सफल भएकाे बिष्टकाे भनाइ छ।
गएको माघ २ गते इलाका प्रहरी कार्यालय कल्याणपुरमा कार्यरत प्रहरी हबल्दार महेन्द्र प्रताप यादवलाई गोली हानी हत्या गर्ने घटनामा चाैधरीकाे संलग्नता रहेकाे प्रहरीले दाबी गरेकाे छ। साे घटनापछि प्रहरीले हबल्दार यादवमाथि गाेली हान्ने व्यक्तिकाे खोजी कार्य तीब्र बनाएको र आज बिहान ४ बजेकाे समयमा चाैधरी मारिएकाे प्रहरी उपरीक्षक बिष्टले बताए।
गत बुधबार साँझ साढे आठ बजेको समयमा खडक नगरपालिका–८ विशनपुर चोकमा मोटरसाइकलमा आएका २ व्यक्तिको समूहले हबल्दार महेन्द्र प्रताप यादवमाथि गोली प्रहार गरेकाे थियाे।
गोली प्रहारबाट घाइते हबल्दार यादवकाे उपचारकाे क्रममा मृत्यु भएकाे थियाे।
यस्तै, प्रहरी कारबाहीमा मारिएका चौधरी २०७२ सालमा सप्तरीको झुटकी प्रहरी चौकीका असई रेसम सुब्बाको गोली हानी हत्या तथा इलाका प्रहरी कार्यालय कडोरवनाको गाडीलाई लक्षित गरी बम बिस्फोट लगायतका घटनामा संलग्न रहेका थिए। साे घटनापछि चाैधरी प्रहरीकाे 'मोस्ट वान्टेड' सूचीमा थिए।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1791645793.png)
-1786602170.png)
