काठमाडौं– सहिद स्मारक 'ए' डिभिजन लिगमा कमजोर प्रदर्शन गरेका न्युरोड टिम (एनआरटी) र मच्छिन्द्र क्लबका लागि आगामी सिजनको लिग पनि सहज नहुने भएको छ। दुवै टिमले आगामी सिजनमा सुरुवात गर्दा 'माइनस' अंकमा रहनु पर्ने भएको छ।
४ वर्षपछि लिग गरेको अखिल नेपाल फुटबल संघ (एन्फा) ले मंगलबार सकिएको लिगमा कुनै पनि टिमलाई रेलिगेशनमा नझार्ने निर्णय गरेको थियो। यद्यपी एन्फाले पुछारका २ क्लबलाई अंक घटाउने नियम बनाएको थियो।
लिगमा अन्तिम भएको एनआरटीको आगामी सिजनमा २ अंक घट्ने भएको छ। यस्तै उनले तयारी खर्चका लागि दिइने ३ लाख रुपैयाँ पनि नपाउने भएको छ। एनआरटीका लागि लिगको अन्तिम खेल निर्णायक थियो। ब्रिगेड ब्वाइजलाई हराएको भए एनआरटी १२औं स्थानमा उक्लिने थियो।
तर मंगलबार सशस्त्र प्रहरीको हल्चोक मैदानमा भएको खेलमा ब्रिगेडसँग गोलरहित बराबरीमा रोकिएपछि एनआरटी अन्तिम स्थानमा रहन बाध्य भयो। एनआरटीले १३ खेलबाट ७ अंक मात्र जोड्न सक्यो। उसले १ खेलमा जित निकाल्दा ८ खेलमा हार र ४ खेल बराबरी खेल्यो।
यता अन्तिम खेलमा बराबरी खेलेसँगै ब्रिगेड भने आगामी सिजनमा अंक घट्नबाट बचेको छ।
यता लिगको १३औं स्थानमा रहेको मच्छिन्द्रको आगामी लिगमा १ अंक घट्ने र तयारी खर्चमा २ लाख रुपैयाँ नपाउने भएको छ।
अन्तिम खेलमा एनआरटी बराबरीमा रोकिएपछि मच्छिन्द्रको १ अंक मात्र घट्ने भएको हो। एनआरटीले जित हात पारेको भए मच्छिन्द्र लिगको पुछारमा पुग्ने थियो। मच्छिन्द्र लिगमा १ जित हात पार्दा ८ खेलमा हार र ४ बराबरी खेल्यो।
अंक तालिका
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770630850.jpg)
2026-02-09-02-21-00-1770630648.jpeg)
-1764146706.png)
-1770562345.jpg)
