काठमाडौं- मनाङ मर्स्याङ्दी क्लब लिगको सबै खेल जित्ने रेकर्ड बनाउनबाट चुकेको छ। २ खेलअघि नै लिगको उपाधि जितेको मनाङ सिजनको लिगको अन्तिम खेलमा फ्रेण्ड्स क्लबसँग १-० गोलले पराजित भएपछि रेकर्ड बनाउन चुकेको हो।
मनाङले यसअघि खेलेका १२ वटै खेलमा जित हात पारेको थियो। अन्तिम खेलमा फ्रेण्ड्सलाई पराजित गर्न सकेको भए मनाङले सबै खेल जितेर च्याम्पियन बन्ने रेकर्ड बनाउने थियो।
मंगलबार एन्फा कम्प्लेक्स सातदोबाटोमा भएको खेलमा फ्रेण्ड्सको जितमा विकास लामाले ६ मिनेट थपिएको इन्जुरी टाइमको अन्तिम मिनेटमा फ्रिकिक बलमा हेडमार्फत गोल गरेका थिए।
जितसँगै फ्रेण्ड्सले पुछारको २ स्थानबाट माथि उक्लदै आगामी सिजनमा अंक गुमाउने खतरा टारेको छ।
यसअघि मनाङले लिगको निर्णायक मानिएको ११औं चरणमा मनाङले दोस्रो स्थानको संकटा क्लबलाई ३-१ गोलले हराउँदै उपाधि जितेको थियो।
योसँगै मनाङले आठौं पटक लिग जित्यो। मनाङले २०४३, २०४४ र २०४६ गरी लगातार तीन पटक उपाधि जितेको थियो। यस्तै मनाङले २०५७ र २०६० मा पनि लिगको उपाधि उचालेको थियो। २०६२ मा लिगको उपाधि जित्दै मनाङले सर्वाधिक लिग जित्ने रानीपोखरी कर्नर टिमको रेकर्डसँग बराबरी गरेको थियो। पछिल्लो पटक २०७० सालमा लिग च्याम्पियन बनेसँगै मनाङ सर्वाधिक लिग जित्ने क्लब बनेको थियो।
लिगमा मनाङले हात पारेका जित
ब्रिगेड ब्वाइजविरुद्ध : ३–१
एनआरटीविरुद्ध : २–०
थ्रीस्टारविरुद्ध : २–१
एपिएफविरुद्ध : २–१
सरस्वती युथविरुद्ध : २–०
जावलाखेल युथविरुद्ध : १–०
मच्छिन्द्रविरुद्ध : १–०
त्रिभुवन आर्मीविरुद्ध : १–०
च्यासल युथविरुद्ध : ३–१
नेपाल पुलिसविरुद्ध : १–०
संकटाविरुद्ध : ३-१
हिमालयन शेर्पाविरुद्ध : २-१
मनाङको हार
फ्रेण्ड्सविरुद्ध : १ -०
अंक तालिका
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1770630850.jpg)
2026-02-09-02-21-00-1770630648.jpeg)
-1764146706.png)
-1770562345.jpg)
