सिड्नी– भारतविरुद्धको चौथो तथा अन्तिम टेस्टमा अस्ट्रेलिया फलो–अनमा परेको छ।
सिड्नीमा भइरहेको खेलमा अस्ट्रेलिया पहिलो इनिङमा आइतबार ३ सय रनमा अलआउट भएपछि फलो–अनमा परेको हो। यसअघि भारतले पहिलो इनिङमा ७ विकेटको क्षतिमा ६ सय २२ रन बनाएर इनिङ समाप्तीको घोषणा गरेको थियो।
फलो–अनमा परेसँगै अस्ट्रेलियाले चौथो दिन नै आफ्नो दोस्रो इनिङ सुरु गरेको छ। अस्ट्रेलियाले अझै ३ सय १६ रनले पछि परेको छ। अस्ट्रेलियाका लागि पहिलो इनिङमा ओपनिङ ब्याट्सम्यान मार्कोस हरिसले सबैभन्दा बढी ७९ रनको योगदान दिएका थिए। बलिङमा भारतका कुलदिप यादवले ५ विकेट लिएका थिए। मोहमद सामी र रविन्द्र जडेजाले २–२ विकेट हात पारेका थिए।
अस्ट्रेलिया घरेलु मैदानमा ३१ वर्षपछि फलो–अनमा परेको हो। सन् १९८८ मा अस्ट्रेलियालाई उसकै घरेलु मैदानमा फलो–अनमा परेको थियो। त्यसपछि घरेलु मैदानमा १ सय ७२ टेस्ट खेल्दा अस्ट्रेलिया फलो–अनमा परेको थिएन।
समग्र टेस्टमा भने अस्ट्रेलिया सन् २००५ पछि फलो–अनमा परेको हो। पछिल्लो पटक इंग्ल्यान्डले अस्ट्रेलियालाई फलो–अनमा पारेको थियो।
नेपाललाइभमा प्रकाशित सामग्रीबारे कुनै गुनासो,
सूचना तथा सुझाव भए हामीलाई nepallivenews@gmail.com मा
पठाउनु होला।
-1789386153.jpg)
-1786602170.png)
-1791388337.png)
